Kaboel Suadi

Ti Wikipédia Sunda, énsiklopédi bébas
(dialihkeun ti Kabul S)
Kaboel Suadi
Gumelar7 Nopémber 1935
Walanda Cirebon, Jawa Kulon, Hindia-Walanda
Tilar dunya27 Séptémber 2010 (yuswa 74)
Indonésia Bandung, Jawa Kulon, Indonésia
PagawéanSeniman

Kaboel Suadi (gumelar di Cirebon, 7 Nopémber 1935 – maot di Bandung, 27 Séptémber 2010 dina umur 74 taun) nyaéta pagawé seni utamana dina seni lukis tur grafis ogé dosén seni rupa. Anjeuna sanggeus tamat sakola di SD jeung SMP di Cirebon tur SMA di Jakarta nuluykeun nyuprih élmu di Jurusan Seni Rupa ITB Bandung, tamat dina taun 1964, tuluy anjeuna ngawulang di almamaterna. Tuluy anjeuna nuluykeun nyiar élmu di Hochschule fur Bulderkenden Kunste, Berlin Barat dina taun 1968 nepi 1969. Kungsi jadi dosén tamu di Jurusan Seni Rupa Institut Kesenian Jakarta dina taun 1970 nepi ka 1979, jeung di bagéan Seni Rupa Universitas Trisakti, Jakarta. Kaboel Suadi mindeng nyalagarakeun paméran bareng tur tunggal anu dilaksanakeun di jero nagri atawa di luar nagri, nalika anjeuna masih jadi mahasiswa. Paméran lukisan tunggalna diayakeun di sababaraha tempat, nyaéta di Jakarta (dina taun 1972, 1993, jeung 1996) sarta di Bandung. Salian ti nyalagarakeun paméran lukisan, anjeuna ogé nyalagarakeun paméran skétsa anu diayakeun di Bandung (taun 1988), Braunchweig, Jerman (taun 1990), Jakarta (taun 1996), jeung di Yogyakarta (taun 1997). Paméran anu anjeuna ngilu aub nyaéta di Bandung (dina taun 1960, 1971, 1987, 1989, 1990, 1992, 1993), Jakarta (dina taun 1966, 1979, 1974, 1975, 1976, 1985, 1989, 1990, 1991, 1992), Dénpasar (taun 1964), Rio de Janeiro (1964), Bérlin (taun 1968, 1969), New York (1970), Amsterdam (1970), Fukuoka (1981, 1993), Dakka (1981), Cirebon (1991), ogé di Hokkaido (1991). Skétsa anu dijieun nyaéta nalika anjeunna diajar di Berlin anu di pedalkeun ku judul Berlin Barat dina taun 1968 nepika 1969 ku Ikatan Alumni ITB (1994).[1]

Rujukan[édit | édit sumber]

  1. Rosidi, Ajip, 1938-; Pustaka Jaya (Firm) (2000). Ensiklopedi Sunda : alam, manusia, dan budaya, termasuk budaya Cirebon dan Betawi (Cet. 1 ed.). [Jakarta]: Pustaka Jaya. ISBN 9794192597. OCLC 45463431.