Kamalir

Ti Wikipédia, énsiklopédia bébas
Loncat ke navigasi Loncat ke pencarian
kamalir sisi sawah

Kamalir (caren) nyaéta jalan cai atawa bagéan tina hiji tempat anu aya di sawah, tambak, jalan, atawa kebon anu ngahaja dijieun leuwih jero tibatan sakurilingna.[1][2] Kamalir ilaharna dijieun gigireun galengan sawah atawa meulah tengah-tengah sawah jeung kebon.[3] Kamalir ogé nunjul kana jalan cai anu aya disagigireun jalan pikeun nandéan cai hujan sangkan jalan henteu kakeueum ku cai (pangpalidan).[3]

Kagunaan kamalir[édit | édit sumber]

Sagigireun paranti ngaliwat cai, kamalir ogé bisa dipaké liliwatan jalma utamana mangsa barang gawé atawa ngaroris pepelakan. [2] Kamalir di sawah sok ngahaja dipaké pikeun miara lauk sangkan henteu kalabur tur gampang mangsana diala.[3] Kamalir anu aya disisi jalan pikeun ngajaga cai hujan henteu limpas atawa naneum di jalan. [1] Di sawah jeung kebon kamalir téh pikeun malidkeun cai naneum sangkan hawa bisa asup ka jero taneuh, umpama henteu dipalidkeun taneuh anu kakeueum bisa haseum balukarna goréng mangsa dipelakan atawa kurang subur.[2]

Dicutat tina[édit | édit sumber]

  1. a b S.IP, M.Pd, Suhaya (2007). Basa Sunda. Bandung: Yudhistira Ghalia Indonesia. ISBN 9789797468828. 
  2. a b c J. Ochse, Jacob (1921). Hal mĕlak sayuran. Batavia: Commissie voor de Volkslectuur. 
  3. a b c Khairuman, SP, H. (2013). Budi Daya Ikan Nila. Jakarta: AgroMedia. ISBN 9789790064560. 


Nulis.jpg