Laja

Ti Wikipédia Sunda, énsiklopédi bébas
Laja
Laja (Alpinia galanga)
Klasifikasi ilmiah
Karajaan:
Divisi:
Kelas:
Ordo:
Kulawarga:
Subfamili:
Tribus:
Génus:
Spésiés:
A. galanga
Ngaran binomial
Alpinia galanga

Laja atawa laos (Alpinia galanga) nyaéta tuwuhan beubeutian anu populér dijadikeun samara dina talari asakan sarta ubar-ubaran tradisional Indonésia atawa wewengkon Asia Tenggara séjénna. Bagian anu dimangpaatkeun tina laja nyaéta beutina anu boga ambeu anu mandiri.

Morfologi[édit | édit sumber]

Akar[édit | édit sumber]

Rimpang gedé bari kandel, aya dagingan, bentuk silindris, diameter antara 2-4 cm, jeung nyabang.[1] luarna warna coklat rada kabeureuman atawa konéng kahéjoan pias, boga sisit-sisit warna bodas atawa kabeureuman, teuas hérang, Sedengkeun jerona warna bodas.[1] daging rimpang nu geus kolot aya serat kasaran.[1] Lamun digaringkeun, rimpang robah jadi rada kahéjoan, jeung seratna jadi teuas bari liat.[1] [2]

Batang[édit | édit sumber]

Batangna tegak, nyusun ku palapah-palapah daun anu ngahiji ngabentuk batang semu, warna héjo rada kabodas-bodasan.[1] Batang ngora kaluat salaku sirung tina pangkal batang kolot.[1]

Daun[édit | édit sumber]

Daun tunggal warna héjo, tangkaina pendék nyusun.[1] daun di sabeulah handap jeung luhur biasana leuwih leutik daripada anu di tengah.[1] bentuk daun lansét manjang jeung tungtungna nyungcung, pangkal mintul sarta sisi daun rata.[1] Bentuk daun nyirip, panjang daun antara 20-60 cm, jeung lébarna 4-15 cm. palapah daun kira-kira 15-30 cm, aya alur warna héjo.[1]

Kembang[édit | édit sumber]

Mangrupa kembang majemuk bentuk lonceng, seungit, warna bodas kahéjoan atawa bodas kakonéngan.[1] ukuran kumpulan kembang kurang leuwih 10-30 cm x 5-7 cm. Jumlah kembang bagian handap tandan leuwih loba ti batan luhurna.[1] panjang biwir kembang 2,5 cm, warna bodas aya garis nyéngkong warna beureum ngora dina ungal sisi. Mahkota kembang anu masih nguncup, dina bagian tungtungna warna bodas , sedengkeun pangkalna warna héjo.[1]

Buah[édit | édit sumber]

Buahna mangrupa buah buni, bentuk buleud, teuas.[1] Lamun keur ngora warna héjo konéng, geus kolot robah jadi hideung kacoklatan, diaméter kurang leuwih 1 cm. aya ogé anu buahna warna beurum.[1]

Pamangfaatan[édit | édit sumber]

Kembang laja

Bagian laja anu loba dimangfaatkeun jeung boga loba nilai ékonomina nyaéta bagian rimpangna. Rimpang laja bisa dipanén nalika umur antara 4 nepi ka 7 bulan.[1] Dina dunya industri, rimpang laja dijual dina bentuk simplisia. Sakumna cara nyieun simplisia dina jenis rempah-rempah lian, rimpang laja dibersihan jeung dipotongan sarta digaringkeun henteu maké panas panon poé langsung.[1] Hal ieu pikeun nyegah ngurangan kandungan minyak asiri tina rimpang laja.[1] Simplisia rimpang laja ieu dina dunya industri dipikawanoh salaku Galanga Rhizome.[1] Salian umum dipaké dina dunya kulinér, sababaraha mangfaat laja anu liana nyaéta :[1]

  • Rimpang laja beureum anu dimasak jeung ditambahan ku cuka éncér, biasa dipaké salaku inumeun awéwé anu karak ngababarkeun. tehnik ngubaran ieu di masarakat dipercaya bisa ngagancangan ngabersihan rahim.[1]
  • Rimpang laja anu dicampuran bawang bodas maké perbandingan 1:4, tuluy dicampuran cuka loba dipaké pikeun ngubaran borok, panu kudis, jeung koréng.[1]
  • Keur saha waé anu katarajang kasakit rématik, rimpang laja ogé mujarab pisan pikeun mantuan ngubaran kasakit reumatik.[1]

References[édit | édit sumber]

  1. a b c d e f g h i j k l m n o p q r s t u v w (id)Laos si Lengkuas Archived 2016-02-02 di Wayback Machine diakses 20 Juli 2015
  2. Jonathan, Rigg (1862). A Dictionary of the Sunda Language of Java. Universitas Harvard: Bataviaasch Genootschap van Kunsten en Wetenschappen.