Leumeung
| Leumeung | |
|---|---|
 Sapotong leumeung dina piring. | |
| Tempat asal | Brunéi Indonésia Malaysia Singapura |
| Wewengkon atawa nagara | Asia Kidul Wétan |
| Nu nyiptakeun | Bangsa Malayu |
| Bahan utama | Beras ketan |
 Cookbook:Leumeung  Leumeung | |
Leumeung (basa Indonésia: lemang) nyaéta dahareun nu dijieun tina béas ketan nu diasakan dina sabuku awi, sanggeus saméméhna digulung ku salambar daun cau. Gulungan daun cau nu eusina tipung béas dicampur jeung cipati ieu tuluy diasupkeun kana sabuku awi tuluy dibeuleum tepi ka asak. Leumeung leuwih pédo lamun didahar nalika haneut kénéh. Cara ngadahar leumeung béda-béda di unggal wewengkon. Aya nu resep ku cara amis (ditambahan selé, kinca, sarikaya) atawa ku cara asin (rendang, endog, jeung lauk-pauk lianna), atawa aya ogé nu ngadaharna jeung bungbuahan saperti kadu.
Leumeung dijadikeun dahareun nalika kariaan ku suku Dayak nu disuguhkeun dina pésta-pésta adat maranéhanana. Keur suku Malayu mah, leumeug biasa didahar nalika lebaran Idul Fitri atawa Idul Adha. Ulun Lampung di sabudeureun basisir ngajadikeun leumeung minangka dahareun has lebaran babarengan jeung kuéh adat. Urang Minangkabau ogé mikaresep leumeung, malahan mah kota saperti Tebing Tinggi kasohor ku celukan "Kota Lemang". Leumeung ogé mangrupa dahareun urang Négrito pituin nu aya di Kelantan. [1] jeung suku Semai.[2]