Masjid Kasunyatan

Ti Wikipédia Sunda, énsiklopédi bébas


Masjid Kasunyataan, Banten awal abad 20, dipotret ku Georg Friedrich Johannes Bley

Masjid heubeul nu diadegkeun ku Maulana Yusuf, Sultan Banten (1570)-(1580). Perenahna di désa Kasunyatan, kacamatan Kasemén, kabupatén Sérang.[1] Sakuriling kompléksna diwatesanan ku témbok, legana leuwih kurang 2500 m².[1]

Wangunan[édit | édit sumber]

Aya lima panto dina ieu masjid téh. Rohangan nu aya di jerona ngawengku: rohang utama, serambi, mihrab, mimbar, jeung munara.[1] Rohang utama perenahna aya di tengah; serambi perenahna di opat rohangan nyaéta di béh kalér jeung wétan rohang utama, nu duana deui ayana di béh kiduleun rohang utama; Mihrab ayana di kuloneun rohang utama; mimbar ayana di kuloneun rohang utama, ngan rada béh tengah; munara ayana di dingding kulon-kalér.[1] Sultan Maulana Yusuf dikurebkeun teu jauh ti masjid Kasunyataan.[1]

Alamat[édit | édit sumber]

Jl. Raya Pelabuhan Karangantu Désa Kasunyatan, kacamatan Kasemén, Kabupatén Serang.[2]

Catetan[édit | édit sumber]

  1. a b c d e Ajip Rosidi, dkk.. 2000, Ensiklopedi Sunda: Alam, Manusia, Budaya (termasuk Budaya Betawi dan Cirebon. Jakarta: Pustaka Jaya.
  2. Masjid Kasunyatan" dina resmi Dinas Budaya dan Pariwisata Provinsi Banten Archived 2016-03-07 di Wayback Machine disalin tanggal 20 Agustus 2011.