Matoa
| Matoa | |
|---|---|
| |
| Klasifikasi ilmiah | |
| Karajaan: | |
| Divisi: | |
| Kelas: | |
| Ordo: | |
| Kulawarga: | |
| Génus: | Pometia
|
| Spésiés: | P. pinnata
|
| Ngaran binomial | |
| Pometia pinnata | |
Matoa (Pometia pinnata) nyaéta tutuwuhan bungbuahan has Papua, nu tangkalna gedé kalayan jangkung rata-rata 18 méter tur diaméter rata-rata maksimum 100 cm.[1] Ilaharna buahan sakali dina sataun.[1] Kembangan dina bulan Juli tepikeun ka Oktober tur buahan 3 atawa 4 bulan sanggeusna.[1] Sumebarna buah matoa di Papua ampir aya di sakabéh wewengkon dataran handap tepikeun ka luhurna ± 1200 m dbl.[1] Tuwuh kalayan hadé di wewengkon nu kondisi lemahna garing (henteu ngeyembeng) kalayan lapisan taneuh nu kandel.[1] Iklim nu dibutuhkeun pikeun tuwuh kalayan hadé nyaéta dina iklim kalayan curah hujan nu luhur (>1200 mm/taun).[1] Matoa ogé aya di sababaraha wewengkon di Sulawesi, Maluku, katut Papua New Guinea.[2] Buah matoa rasana manis.[2]
Di Papua dipikawanoh 2 rupa matoa, nyaéta Matoa Kelapa katut Matoa Papeda.[1] Ciri nu ngabédakeun duanana nyaéta dina tekstur buahna, Matoa Kelapa mah ciciréna téh daging buahna geunyal kawas rambutan aceh, diaméter buah 2,2-2,9 cm jeung diaméter siki 1,25-1,40 cm.[1] Sedengkeun Matoa Papeda cicirena nyaéta daging buahna rada beye jeung lengket kalayan diamater buah 1,4-2,0 cm.[1] Pepelakan ieu gampang adaptasi jeung kondisi panas atawa tiis.[2] Tangkalna ogé tahan kana serangga nu ilaharna ngaruksak buah.[2]
Rujukan
[édit | édit sumber]- ↑ a b c d e f g h i Litbang Papua Archived 2012-01-14 di Wayback Machine
- ↑ a b c d Vivaborneo Archived 2011-07-27 di Wayback Machine
Lihat pula
[édit | édit sumber]
|
Artikel ngeunaan tutuwuhan ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |