Mujaér

Ti Wikipédia, énsiklopédia bébas
Luncat ka: pituduh, sungsi
Mujaér
Klasifikasi ilmiah
Karajaan: Animalia
Filum: Chordata
Kelas: Actinopterygii
Order: Perciformes
Kulawarga: Cichlidae
Génus: Oreochromis
Spésiés: O. mossambicus
Ngaran binomial
Oreochromis mossambicus
(W. Peters), 1852

Mujaér nyaéta lauk cai anu biasa didahar ku jalma, wangun awakna gepéng, warnana hawuk, coklat atawa hideung. [1] Ieu lauk asalna ti Afrika sarta mimiti kapanggih di Indonesia ku bapa Mujair di muara walungan Sérang basisir kidul Blitar Jawa Timur dina taun 1939. [1] Lauk mujaér gancang badagna. [1] Panjang total awak panggedéna nyaéta 40 cm, loba dibudidayakeun di Jawa Barat, Jawa Tengah, Sumatera, jeung Kalimantan. [1]
Mujaer kaasup sato omnivor, di alamna muajer biasa ngadahar tutuwuhan cai, diatom, chlorophyceae, dinophyceae jeung crustasea, sedengkeun anakna dahar fitoplankton jeung zooplankton.[2] Ciri-ciri mujaér bikangna nyaéta aya 3 liang dina urogenetial nyaéta bool, liang kaluarna endog sarta liang kaluarna urin.[3] Tungtung cécépét boga warna beureum sepa, warna beuteung leuwih bodas, warna gado ogé bodas, sarta lamun beuteungna distriping henteu ngaluarkeun cairan.[3] Sedengkeun ciri-ciri mujaér jaluna nyaéta dina pakakas urogenetial ngan aya dua liang nyaéta; bool, sarta liang kaluarna spérma sakaligus liang kaluarna urin.[3] Tungtung cécépét boga warna beureum caang, warna beuteung jeung gado leuwih poék, sarta lamun beuteung distriping baris ngaluarkeun cairan.[3]

Referensi[édit | édit sumber]

  1. a b c d Mujair(id)(Diakses ping 17 Oktober 2011)
  2. Kordi, Ghufran. 2010. Panduan Lengkap Memelihara Ikan Air Tawar di Kolam Terpal. Yogyakarta:Lili Publisher.Hal. 17
  3. a b c d Mujair (id) (Diakses ping 1 November 2011)


Nulis.jpg