Multimedia Home Platform

Ti Wikipédia, énsiklopédia bébas
Luncat ka: pituduh, paluruh

Multimedia Home Platform (DVB-MHP) nyaéta hiji standar sistim middleware bébas nu dirancang ku proyék DVB keur televisi digital interaktif. MHP ngidinan ditarima jeung dijalankeunnana aplikasi nu dumasar kana Java interaktif dina hiji sét TV. Aplikasi TV interaktif bisa dikirim kana saluran siaran, babarengan jeung stream audio katut vidéo. Aplikasi ieu contona bisa mangrupa jasa informasi, game, voting interaktif, surélék, SMS atawa keur balanja. Keur sakabéh aplikasi interaktif diperlukeun hiji saluran tambahan keur balik deui.

Sumebarna[édit | édit sumber]

Dina tengah taun 2005 DVB-MHP kacida sumebarna di Itali (DVB-T) jeung Koréa (ATSC), sarta ujicoba atawa nyebar saeutik di Jerman, Finlandia, Spanyol, Austria jeung Australia. Industri kabel AS geus nangtukeun sistim middlewarena sorangan nu katelah OCAP, nu dumasar kana MHP. Kiwari, provider kabel panggedéna di Bélgia, Telenet ngaluarkeun sistim DVB-MHP, nu disebut DigiBox. Jaringan TV téréstrial nu bakal datang di Norwégia, NTV bakal maké standar DVB-MHP ogé.

Téhnologi[édit | édit sumber]

Stack software MHP

MHP nangtukeun hiji lingkungan éksekusi aplikasi éksténsif keur TV interaktif digital, nu henteu kawates ku poko, véndor nu husus, hadwér katut sofwérna. Lingkungan éksekusi ieu dumasar kana dipakéna mesin virtual Java sarta définisi API umum nu nyadiakeun aksés keur sumber jeung fasilitas terminal TV digital interaktif. Aplikasi MHP nu bisa diinteroperasi lumaku dina punclut API ieu. Nu katelah aplikasi Navigator, nu mangrupa bagéan tina sofwér terminal, ngidinan pamaké pikeun ngaksés sakabéh aplikasi MHP sarta jasa DVB lianna (kayaning TV jeung radio).

MHP ukur mangrupa bagéan tina hiji kulawarga spésifikasi, nu sakabéhna dumasar kana Standar Globally Executable MHP (GEM), nu ditetepkeun pikeun ngidinan world-wide adoption keur MHP.

DVB-HTML[édit | édit sumber]

Crystal Clear app xmag.svg
 Artikel utama: DVB-HTML.

Aplikasi MHP jadi dua ciri. Tipe kahiji nyaéta aplikasi DVB-HTML. Hal ieu teu pati kasohor, sabagéannana alatan spésifikasi DVB-HTML ukur réngsé tepi ka MHP 1.1, tur alatan loba broadcaster, pabrik set-top-box jeung content developer ngarasa yén MHP ieu kompléks jeung hésé teuing pikeun diimplementasikeun. Aplikasi DVB-HTML mangrupa sakumpulan kaca HTML nu disiarkeun minangka bagéan hiji jasa. Spesifikasina dumasar kana sabudeureun versi XHTML 1.1 nu dimodulérisasi, tur kaasup ogé CSS 2.0, DOM 2.0, katut ECMAScript.

DVB-J[édit | édit sumber]

Kaduana, tur nu sapanjang ieu leuwih kasohor nyaéta aplikasi DVB-J (DVB-Java). DVB-J ditulis maké Java maké sét MHP API tur ngawengku sakumpulan koropak kelas nu disiarkeun jeung hiji layanan. Aplikasi DVB-Java katelah "Xlet". Perkara ieu mangrupa konsép nu sarua jeung applet keur ramatkaca nu geus diwanohkeun ku Sun dina spésifikasi JavaTV. Kawas applet, antarbeungeut xlet ngidinan hiji sumber luar (ménéjer aplikasi dina hiji panarima MHP) pikeun ngamimitian tur mungkas hiji aplikasi.

Return channel[édit | édit sumber]

Set-top box MHP bisa nyadiakeun backchannel keur aplikasi nu miharep ayana komunikasi jeung dunya luar, contona aplikasi voting atawa balanja. Backchannel upstréam nu iilahar nyaéta jalur telepon atawa koneksi Internet pita rubak (ADSL, maké modem basajan nu aya dina set-top box). DVB-RCT (Return Channel Terrestrial) mangrupa hiji tehnologi nirkabel nu maké infrastruktur DVB. manéhna nyadiakeun Saluran Pangbalikan Tanpa Kabel VHF/UHF keur balik deui ka panyiar keur TV Terrestrial Interaktif. manéhna nyadiakeun data-rate sababaraha kbit/det per pamake, keur voting, polling, surelek, teleshopping, jsb.

Hal ieu mangrupa perbedaan jeung set-top box zapper.

Tempo oge[édit | édit sumber]

Rujukan[édit | édit sumber]

  • Ulrich Reimers: DVB, The Family of International Standards for Digital Vidéo Broadcasting, Second Edition, 2005, ISBN 3-540-43545-X (chapter 14, MHP)

Tumbu luar[édit | édit sumber]