Nicky Astria
Nicky Astria | |
|---|---|
 | |
| Gumelar | 08 Oktober 1967 Bandung |
| Ngaran péna | Nicky Nastitie Karya Dewi |
| Kabangsaan | Indonésia |
| Subjék | Artis, Penyanyi |
Nicky Nastitie Karya Dewi atawa leuwih dipikawanoh Nicky Astria lahir di Bandung, 18 Oktober 1967. Nicky nyaéta lady rocker asal Indonésia.[1] Ratu Rock Nicky Astria masih kénéh sohor.[2] Sababaraha taun teu kaluar dipanggung musik alatan riweuh ngajalankeun rumah tangga.[2] Nicky ngagebrak deui liwat lagu anyarna Jangan Lagi Ada Angkara anu diliris dina taun 1999.[2] Ngaku mula-mula rada kagok, minder, sarta éra, indung dua anak Obit sarta Onil ieu tetep nempokeun geregetna minangka salaku awéwé rocker nu kasohor di Indonésia.[2]
Biografi
[édit | édit sumber]Lahir salaku anak awéwé hiji-hijina ti lima duduluran , Nicky méakkeun mangsa leutikna di Kuala Lumpur, Malaysia. Bapa Nicky, Tatang Kosasih Wirahadimada, sabot éta mibanda tugas minangka Kapala Sakola Indonésia di Kuala Lumur.[2] Bakat nembang Nicky mimiti kasampak ku guru kasenianna di Kuala Lumpur, anu ménta Nicky nembang di hareupeun umum dina acara Proklamasi Kemrdekaan , 17 Agustus.[2] Nicky mimiti kasohor jadi penyanyi rock dina taun 1980-an.[2] Ngaranna kaluar sanggeus ngaliris albeum Jarum Naraka (1985) anu kajual nepi ka 500 rébu gebig kaset.[2] Dua albeum saterusna, Tangan-Tangan Setan, sarta Gersang, kaluar deui, nepi ka posisi Nicky jadi penyanyi Rock awewe panglarisna vérsi BASF Award salila tilu taun (1987, 1988, sarta 1989)) Lain ukur suksés di dunya rékaman , Nicky ogé sikses di panggung. Gaya panggung sarta kualitas sorana anu prima nyieun manéhna mibanda loba penggemar fanatik.[2] Dina mangsa éta, Nicky bisa kalur di sagala rupa pintonan anatara sapuluh nepi ka dua puluh kali dina sabulan.[2] Sagala rupa prédikat ogé dihontalna, contona minangka penyanyi rock pangsohorna vérsi majalah populér sarta penyanyi rock awéwé pangalusna majalah gadis. Nicky anu disebut "si cengeng" sabot leutik, nikah jeung pangusaha Satria Kamal, anak urut Gubernur Jabar Solihin G.P., dina 1992.[2] Tapi dina 2002 perkawinan maranéhanana diwartakeun papisah.
Atikan
[édit | édit sumber]- SD di Malaysia[2]
- SD Halimun Bandung (1979)
- SMPN 13 Bandung (1982)
- SMAN 12 Bandung (1985)
- Akademi Bahasa Asing (teu tamat)
Albeum
[édit | édit sumber]- Semua dari Cinta (1983)
- Jarum Neraka (1984)
- Tangan-Tangan Setan (1985)
- Gersang(1986)
- Bias Sinar(1987)
- The Best of Nicky Astri; Matahari dan Rembulan; Negeri Khayalan; Cinta di Kota Tua; Pakar Rock; Jangan Ada Lagi Angkara (1999)
- Samar Bayangan (2000)
- Ke mana (2003)[2]
Rujukan
[édit | édit sumber]
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |