Oray-Orayan
'Oray'-orayan nyaéta kawih kaulinan anu sok dihaleangkeun nalika barudak rék ulin ucing-ucingan, biasana saméméh prung ulin, barudak sok silih cekel heula taktak.[1] Nu tukang nyekel taktak nu hareupeunana jeung saterusna tuluy maju ka kénca ka katuhu katempona ngaléor siga oray bari ngawih tuluy luar-léor mapayan jalan ngurilingan budak nu keur jaga jadi guha nepi kaasup salah saurang budak tuluy dititah milih rék ka mana, naha rék milu ka kelompok nu ka hiji guha katuhu atawa rék milih kelompok nu ka dua guha ka kénca, kawihna kieu:
Oray-orayan
Luar-léor mapay sawah
Entong ka sawah
Paréna keur sedeng beukah[2]
Oray-orayan
Luar-léor mapay leuwi
Entong ka leuwi
Di leuwi loba nu mandi
Saha nu mandi
Anu mandi pandeuri
Oray-orayan
Luar-léor mapay kebon
Entong ka kebon
Loba barudak keur ngangon
Mending gé teuleum di leuwi loba nu mandi
Saha nu mandi
Nu mandi pandeuri.[1]
Sanggeus kitu, huluna tuluy ngudak buntutna bari disada, "kok, kok, kok, kok".[1]
Kawih liannna :
Oray-orayan
Oray naon
Oray bungka
Bungka naon
Bungka laut
Laut naon
Laut dipa
Dipa naon
Di pandeuri, ri, ri, ri, ri . . . blos!.[1][3]
|
Artikel ngeunaan Sunda ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
Referensi
[édit | édit sumber]- ↑ a b c d Hidayat, Rachmat Taufiq, spk.2005.Peperenian Urang Sunda.Bandung:Kiblat
- ↑ Sopandi, Tisna (2008). Aneka permainan tradisionalSopandi. Jakarta: Penerbit Yayasan Miftahul Huda al-Musri (MHM). pp. 95–96. Disungsi 22 Méi 2024
- ↑ Kawih kaulinan barudak Archived 2015-11-22 di Wayback Machine(diakses tanggal 03 Mei 2011)