Oyong
 |
Artikel atawa bagian artikel ieu butuh leuwih loba réferénsi sangkan pasti. Mangga bantos ngédit artikel ieu kalawan nambihkeun réferénsi. Tag ieu dibéré dina Pébruari 2016 |
| Oyong | |
|---|---|
| |
| Klasifikasi ilmiah | |
| Karajaan: | |
| Divisi: | |
| Kelas: | |
| Ordo: | |
| Kulawarga: | |
| Génus: | |
| Spésiés: | L. acutangula
|
| Ngaran binomial | |
| Luffa acutangula | |
Oyong atawa émés (Luffa acutangula) (basa Indonésia: gambas) nyaéta sayuran buah nu deukeut jeung bonténg, samangka sarta mélon kaasup famili Cucurbitaceae.[1] Buah oyong wangunna siga buah bestru (belustru) nu sok dipaké seratna minangka tapas pikeun ngumbah piring.[rujukan?] Bédana, kulit buah oyong rada kasar sedengkeun bestru halus.[1]
Déskripsi
[édit | édit sumber]Oyong mangrupa sayuran tropis has Asia.[1] Di sababaraha nagara, oyong leuwih populér ti batan bestru.[1] Dina basa asing, oyong disebut si gua (Cina), patola (Tagalog), hecchima (Jepang), susemi (Koréa), ghonsavala, dadaka atawa turai (India).[1] Oyong biasana ditumis atawa dijieun sop.[1] Daging buah oyong halus pisan, rasana rada amis lamun masih ngora.[1] Tapi, sanggeus kolot jadi hambar jeung boga serat.[1] Aya loba jenis oyong ngan nu teu pait wungkul nu biasana dijadikeun olahan.[1]
Gizi jeung Mangpaat Oyong
[édit | édit sumber]Rendah Kalori
[édit | édit sumber]Oyong kaasup sayuran nu rendah kalori.[1] Ti 100 gram oyong ngan boga kalori 18 kcal.[1] Komponén panglobana dina oyong nyaéta cai nu lobana 94.5g/100g.[1]
Sumber Mineral Fosfor
[édit | édit sumber]Mineral nu panglobana dina oyong nyaéta fosfor kalawan 33 mg/100g.[1] Sanajan jumlahna saeutik, fosfor dina oyong bakal ngarojong kana kabutuhan fosfor dina awak[1]. Fosfor kaasup mineral makro nu diperlukeun awak dina jumlah nu loba.[1] Fosfor dipaké pikeun produksi énergi nu asalna ti kadaharan.[1] Énergi éta dipaké pikeun prosés métabolisme jeung fisiologi awak.[1]
Kagunaan Séjén[2]
[édit | édit sumber]- Hadé pikeun pencernaan
- Kagunaan laksatif
- Ngeureunkeun pendarahan
- Nurunkeun reuhak tina saluran napas.
Jumlah Nutrisi dina 100 gram Oyong[1]
[édit | édit sumber]| Komponén Gizi | Jumlah |
|---|---|
| Énergi | 18 kcal |
| Protéin | 0.8g |
| Lemak | 0.2g |
| Karbohidrat | 4.1g |
| Kalsium | 19 mg |
| Fosfor | 33 mg |
| Zat Beusi | 0.9 mg |
| Vitamin A | 380 mg |
| Vitamin B1 | 0,03 mg |
| Vitamin C | 8 mg |
| Cai | 94,5 g |
| BDD | 85% |