Pajangjian Kalijati
Pajangjian Kalijati nyaéta hiji pajangjian anu dilakukeun antara Pamaréntah Hindia Walanda jeung Jepang di tanggal 8 Maret 1942 di Kalijati, Subang.[1] Dina pajangjian Kalijati, Walanda nyerahkeun kakawasaan di Hindia ka Jepang sarta ngamimitian kakawasaan Jepang di Indonésia salila kurang leuwih 3 taun 5 bulan.[1][2]
Kasang tukang
[édit | édit sumber]Di Perang Dunya II, Walanda gabung jeung blok sekutu. Di tanggal 7 Désémber 1941, Jepang nyerang Pearl Harbour, anu nyababkeun Amérika Sarikat miluan Perang Dunya II.[1] Di sisi lain, angkatan laut Walanda geus lemah anu nyababkeun Jepang babari nyerang Hindia. Jepang hayang ngawasaan daérah kidul utamana di basisir Asia Pasipik pikeun nguatkeun kakawasaanna, daérah anu dikawasaan di antarana Malaya Britania, Pilipina, Indochina Prancis, jeung Hindia Walanda. Salian ti éta, Jérman salaku sekutu Jepang ngijinan pikeun nyerang daérah Asia Tenggara.[1]
Di tanggal 11 Januari 1942, Jepang mimiti datang ka Indonésia, pasna di Tarakan. Ti saprak dinya, Jepang mimiti neken sangkan Walanda nyerah.[1] Tuluy di tanggal 24 Januari, Jepang ngarebut Balikpapan ti Walanda, disusul ku Pontianak di tanggal 29 Januari, Samarinda di tanggal 3 Pébruari, sarta Banjarmasin di tanggal 10 Pébruari.[2]
Di tanggal 14 Pébruari, Jepang bisa ngawasaan Palémbang dina waktu dua poé, tuluy di tanggal 1 Maret, tentara Jepang tepi di Banten sarta Érétan Wétan di Jawa Kulon. Saenggeus kitu, tungtungna di tanggal 5 Maret, Jepang bisa ngarebut Batavia.[2]
Eusi
[édit | édit sumber]Eusi tina Pajangjian Kalijati ieu nyaéta Walanda nyerah tanpa sarat ka Jepang sarta nyerahkeun kakawasaan Hindia ka Jepang. Pihak Walanda anu diwakilan ku Létnan Jéndral Ter Poorten nyerahkeun kakawasaanna ka tentara Jepang anu dipingpin ku Jéndral Hitoshi Imamura.[1]
Rujukan
[édit | édit sumber]- ↑ a b c d e f tim. "Perjanjian Kalijati, Awal Mula Pendudukan Jepang di Indonesia". nasional (dalam id-ID). Diakses tanggal 2021-08-29.
- ↑ a b c Media, Kompas Cyber. "Perjanjian Kalijati, Ketika Belanda Serahkan Indonesia ke Jepang Halaman all". KOMPAS.com (dalam Indonesian). Diakses tanggal 2021-08-29.