Rahmat M. Sas. Karana

Rahmat M. Sas. Karana
Rahmat M. Sas. Karana
Gumelar	Rakhmat Mulyono Sastrasenjaya Karana; 8 Desémber 1942; Ciamis, Jawa Kulon, Hindia-Walanda
Pagawéan	Panyair, pangarang
Anugrah	Piagem Moh. Ambri (1967)

Rakhmat Mulyono Sastrasenjaya Karana (gumelar di Cijulang, Ciamis, 8 Désémber 1942) mangrupa salah sahiji panyair jeung pamedal buku-buku Sunda. Anjeuna kungsi nyuprih élmu di SGB nu satuluyna ka SGPD, ngan leuwih muserkeun kana kasusasteraan jeung kasenian. Nalika anjeuna jadi siswa SGPD, anjeuna geus ngamimitian nulis jeung aktif dina organisasi Kujang Putra. Sajak-sajakna nu kungsi dimuat dina majalah Kalawarta Kudjang, Langensari, Manglé, Mingguan Sunda, jeung sajabana. Kungsi gawé di rédaksi Kalawarta Kudjang, Langensari, jeung Mingguan Sunda, ogé kungsi jadi sekretaris rédaksi majalah Budaya Jaya jeung mingpin rédaksi mingguan Fusi. Nalika pamedal Dunia Pustaka Jayamuka cabang di Bandung, anjeuna diangkat jadi kepala perwakilan. Tuluy anjeuna ngadegkeun pamedal, ti mimiti Mitra Kencana, tuluy Rahmat Cijulang anu husus medalkeun buku basa Sunda. Anjeuna ogé kungsi jadi sekretaris anu satuluyna jadi ketua di PPSS. Karya-karya anjeuna salian sajak anu maké basa Sunda, ogé aya sajak anu maké Indonésia. Kumpulan sajak anu geus dipedalkeun nyaéta Ombak Laut Kidul , Tepung Di Bandung, jeung Surat Panjang Ti Cijulang. Ku sabab karyana anu kawéntar, anjeuna meunang hadiah sastera Piagem Moh. Ambri (1967) ti PPSS keur bukuna nyaéta Ombak Laut Kidul. Ngaran samarana nyaéta Nandang K. Sum.. Salian nyieun sajak jeung buku basa Sunda, anjeuna ogé kungsi ngajieun carita pondok anu judulna Abunawas Saémbara.^[1]

Rujukan

↑ Rosidi, Ajip, 1938-; Pustaka Jaya (Firm) (2000). Ensiklopedi Sunda : alam, manusia, dan budaya, termasuk budaya Cirebon dan Betawi (Édisi Cet. 1). [Jakarta]: Pustaka Jaya. ISBN 9794192597. OCLC 45463431. Pemeliharaan CS1: Banyak nama: authors list (link) Pemeliharaan CS1: Nama numerik: authors list (link)

Artikel ngeunaan biografi inohong ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.

[1] Rosidi, Ajip, 1938-; Pustaka Jaya (Firm) (2000). Ensiklopedi Sunda : alam, manusia, dan budaya, termasuk budaya Cirebon dan Betawi (Édisi Cet. 1). [Jakarta]: Pustaka Jaya. ISBN 9794192597. OCLC 45463431. Pemeliharaan CS1: Banyak nama: authors list (link) Pemeliharaan CS1: Nama numerik: authors list (link)

[1]