Robert Pattinson

Ti Wikipédia, énsiklopédia bébas
Luncat ka: pituduh, paluruh


Robert Pattinson

Robert Pattinson atawa ngaran lengkepna Robert Thomas Pattinson (gumelar di Inggris, 13 Méi 1986) nyaéta saurang aktor asal Inggris[1][2]. Robert mimiti kasohorna sanggeus maén di pilem Twilight[1]. Sanajan kitu, Robert saméméhna ogé geus loba ngabéntangan pilem-pilem séjénna[2]. Robert ngabéntangan pilem Twilight anu sabenerna diadaptasi ti hiji novel anu judulna sarua. Mimitina mah, Robert ngan saukur pagawé tukangeun layar di hiji téater nu ngaranna Barnes Théatre Company[2]. Ti dinya minat Robert kana seni peran mimiti bijil. Robert ogé langsung nyoba pikeun ngaleukeunan widang ieu ku nyokot atikan formal di widang seni peran[2]. Teu kungsi lila tuluy bijil hiji talent agency nempo bakat dina diri Robert sarta ngajakan gabung ka produksi drama Tess of The D'Urbevilles[1].

Ti panggung téater, Robert mimiti asup ka dunya tipi jadi peran babantu dina sawatara pilem kaasup Ring of The Nibelungs, The Haunted Airman, jeung The Bad Mother's Handbook[2]. Taun 2007, Robert kabagéan peran salaku Cedric Diggory dina pilem layar rubak Harry Potter and The Order of The Phoenix[1][2]. Pilem ieu anu tuluy nganteur jadi pameran utama dina pilem Twilight anu nyaritakeun ngeunaan saurang vampir bageur. Di awal 2010, Pattinson dinobatkeun jadi Lalaki Diraksukan Panghadéna dumasar majalah GQ, ngésérkeun pamor sawatara lalaki séjén, siga Daniel Craig jeung David Beckham[2].

Sawatara pilem anyar sanggeus Twilight ogé sempet dibéntangan ku Robert di taun 2010, sarta babaraha di antarana mah ngudukeun adegan séks jeung babaraha awéwé, saperti Uma Thurman jeung Emilie De Ravin[2]. Pilem-pilem ieu nyaéta Remember Me jeung Bel Ami[2]. Kutan teu ngan saukur tawaran pilem wungkul anu ditawarkeun ka Robert téh, pangabisa musikal anu dipintonkeunna dina soundtrack pilem Twilight ogé matak pitajieun sababaraha produser pikeun ngabiayaan karirna di widang vokal[2]. Simon Cowell, produser nu kakoncara nawaran prosés nyieun album, anu tuluy ditolak ku Pattinson. Pattinson ogé jadi béntang dina hiji komik anu diproduksi ku Bluewater Comic[2]. Teu ngan saukur komik biografi wungkul anu ngabadikeun préstasi Robert téh, dina bulan Maret 2010, patung lilin Robert ogé dipajang di musium Madame Tussauds, London[2]. Patung Robert diteundeun di tempat anu sarua jeung aktor kawakan séjénna, siga Johnny Depp jeung George Clooney[2].

Filmografi[édit | édit sumber]

  • 2004 Vanity Fair[2]
  • 2004 Ring of the Nibelungs[2]
  • 2005 Harry Potter and the Goblet of Fire[2]
  • 2006 The Haunted Airman[2]
  • 2007 The Bad Mother's Handbook[2]
  • 2007 Harry Potter and the Order of the Phoenix[2]
  • 2008 How To Be[2]
  • 2008 Twilight[2]
  • 2009 Litttle Ashes[2]
  • 2009 The Twilight Saga: New Moon[2]
  • 2010 Remember Me[2]
  • 2010 The Twilight Saga: Eclipse[2]
  • 2011 Bel Ami[2]
  • 2011 Water for Elephants[2]
  • 2011 Unbound Captives[2]

Panghargaan[édit | édit sumber]

  • Strasbourg Film féstival Award pikeun Best Actor[2]
  • Hollywood Film Award pikeun New Hollywood[2]
  • MTV Movie Award pikeun Bréakthrough Performance Male[2]
  • MTV Movie Award pikeun Best Kiss (jeung Kristen Stewart)[2]
  • MTV Movie Award pikeun Best Fight (jeung Cam Gigandet)[2]
  • Péople's Choice Award pikeun Favourite On-Screen-Téam (jeung: Taylor Lautner sarta Kristen Stewart)[2]
  • Scréam Award pikeun Best Fantasy Actor[2]
  • Teen Choice Award pikeun Choice Hottie[2]
  • Teen Choice Award pikeun Choice Movie Actor Drama[2]
  • Teen Choice Award pikeun Movie Liplock (jeung Kristen Stewart)[2]
  • Teen Choice Award pikeun Choice Movie Rumble (jeung Cam Gigandet)[2]
  • Dinominasikeun - Empire Award pikeun Best Newcomer[2]
  • Dinominasikeun - Péople's Choice Award pikeun Favourite Movie Actor[2]
  • Dinominasikeun - Scréam Award pikeun Best Ensemble Cast[2]

Rujukan[édit | édit sumber]

  1. a b c d BIOGRAPHY: Robert Pattison Lifetime Diakses 28 Juli 2015
  2. a b c d e f g h i j k l m n o p q r s t u v w x y z aa ab ac ad ae af ag ah ai aj ak al am an ao ap Robert Pattinson Diakses 28 Juli 2015