Sair (pakakas)
Sair (ᮞᮄᮁ) nyaéta parabot tina anyaman paranti ngala lauk [1] di walungan atawa kulah, dijieunna tina jaring nu maké tulang-tulang awi nu dibentuk semu lonyod maké gagang pondok.[2] Aya ogé nu dijieun tina anyaman awi nu wangunna ampir sarupa jeung ayakan anu ukuranna leuwih gedé jeung satengah buleud.[2] Alat anu wangunna siga ayakan gedé, anu ogé dipaké pikeun ngala lauk di situ atawa dano, disebut ogé sair.[2] Lamun rék digunakeun gagangna dicepeng tuluy sair didorongkeun nepi ka dasarna, tuluy diangkat.[2] Lauk nu beunang ku ieu alat biasana anu laleutik, hurang, nepi ka haremis anu kasiuk bakal nyangsang kana jaringna.[2] Anu maké alat sair biasana awéwé.[2]
Tingali ogé[édit | édit sumber]
Rujukan[édit | édit sumber]
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |