Saté lilit
| Saté Lilit | |
|---|---|
 Saté lilit | |
| Bagéan | Deungeun sangu |
| Tempat asal | Indonésia |
| Wewengkon atawa nagara | Bali |
| Suhu pidangan | Haneut |
| Bahan utama | Cacag daging (bagong, hayam, lauk atawa sapi) disamaraan. |
 Cookbook:Saté Lilit  Saté Lilit | |
Saté lilit atawa saté beulit mangrupa hiji varian saté asal Bali.[1] Ieu saté dijieun tina daging bagong, lauk, hayam, daging sapi, atawa dagind kuya nu dicacagan, tuluy dicampur jeung parud kalapa, cipati, jeruk nipis, bawang beureum, jeung pedes. Cacagan daging nu geus disamaraan diemplékeun kanaawi atawa watang tiwu sangkan napel, tuluy digaran. Teu cara saté ilaharna nu dipangang ku sujén nu ipis tur seukeut, sujén saté lilit wangunna rata tur rubak. Pamukaanna nu leuwih lega ngamumkinkeun cacagan dagingna napel. Istilah lilit dina basa Bali jeung Indonésia harina "ngabeulit", nu luyu jeung cara pikeu nyieun ieu saté.
Varian
[édit | édit sumber]Minagka pulo kalawan mayoritas pangagem agama Hindu, daging bagong atawa lauk leuwih jado pilihan, jeung deuih daging sapi mah mimitina jarang dikonsumsi di Bali. Ngan pikeun nyumponan kahayang konsumén nu teu ngonsumsi daging bagong kayaning umat Muslim, di réstoran Bali nu aya di saluareun Bali mah, saté lilit téh sok ngagunakeun daging hayam atawa sapi minangka pangganti. Di puseut padagangan lauk di Bali, kayaning désa Kusamba, nu nyanghareup ka Selat Nusa Penida, saté lilit téh dijieunna tina lauk nu dipikaresep.[2]
Dua saté favorit asal Bali nyaéta saté lilit jeung saté lauk. Saté lilit jeung saté lauk nu asli euyeub ku campuran samara. Di Bali, ampir unggal susuguh deungeun sangu téh setiap hidangan disamaraan ku bumbu megenep — campuran samara ti mimiti daun jeruk, cipati, bawang bodas, bawang beureum, laja, katuncar, konéng, cabé jeung céngék.[3]
Rujukan
[édit | édit sumber]- ↑ O’Gilvie, Diana (2012-10-14). "Learning Bali’s true flavors". The Jakarta Post. http://www.thejakartapost.com/news/2012/10/14/learning-bali-s-true-flavors.html. Diakses pada 14 January 2015
- ↑ Muhajir, Anton (2013-03-28). "The legendary ‘sate lilit’ and ‘pepes’ from Kusamba". Bali Daily. http://www.thebalidaily.com/2013-03-28/the-legendary-sate-lilit-and-pepes-kusamba.html. Diakses pada 14 January 2015
- ↑ Mahendra, Anggara (2013-07-17). "The authentic fish satay of Ubud". Bali Daily. http://www.thebalidaily.com/2013-07-17/the-authentic-fish-satay-ubud.html. Diakses pada 14 January 2015
Tempo ogé
[édit | édit sumber]Tumbu luar
[édit | édit sumber]- Resep saté lilit lauk ti New York Times