Schlumbergera

Ti Wikipédia Sunda, énsiklopédi bébas

Schlumbergera
Tutuwuhan génusSchlumbergera
Klasifikasi ilmiah e
Karajaan: Plantae
Klad: Angiospermae
Klad: Eudicotidae
Ordo: Caryophyllales
Kulawarga: Cactaceae
Subfamili: Cactoideae
Tribus: Rhipsalideae
Génus: Schlumbergera
Lem.
Species

See text.

Schlumbergera nyaéta ngaran tina génus leutik kaktus anu ngawengku genep spésiés[1] nu kapanggih di pagunungan basisir tenggara Brazil. Ngaranna dicokot tina ngaran Frédéric Schlumberger, saurang koléktor kaktus.[2] Ieu génus boga sababaraha sasaruaan ngaran (sinonim), antarana Epiphyllanthus, Opuntiopsis, Zygocactus, Zygocereus, jeung Epiphyllum.[3]

Rupa-rupa Sesebutan[édit | édit sumber]

Ngaran nu umum dipaké pikeun nyebutkeun kaktus jenis ini biasana nandakeun usum mangkak kembangna. Di wewengkon Kalér, umumna mah disebut Kaktus Natal (Christmast cactus), Thanksgiving cactus, kaktus keuyeup (crab cactus), jeung kaktus pakasi (holiday cactus). Di Brazil mah disebutna Kembang Méi (Flor de Maio), nuduhkeun totondén waktu mangkakna kembang di wewengkon Kidul.

Kembang anu dijual biasana maké rupa-rupa sebutan. Dina basa Inggris, umumna disebut "Chrismas cactus". Di Éropa, nyaéta tempat pikeun budidaya ieu kaktus nu kawilang panggedéna pikeun dijual saméméh Natal. Nu matak, ngaran ieu téh nu pangmindengna dipaké dina rupa-rupa basa pikeun anu ngabudidayakeun rupa-rupa spésiés tina génus ieu. Contona baé di Jerman disebut Wihchtskaktus[4], di Prancis disebut cactus de Noél[5], jeung di Spanyol disebut cacto de Navidad[6]. Di Kanada[7] jeung Amérika Serikat mah biasana dibudidaakeun pikeun liburan Thanksgiving, nu matak leuwih mindeng disebut minangka "Thanksgiving cactus". Ari "Christmas cactus" mah ngan ukur dipaké pikeun kelompok kaktus Buckleyi.

Habitat[édit | édit sumber]

Péta sumebarna Schlumbergera

Ieu tutuwuhan sipatna épifit,[8] nyaéta hirup dina tangkal atawa batu dina habitat anu umumna kaiuhan kalawan gegek sarta wangunna bisa rada béda ti dulurna nu hirup di gurun.[2] Habitatna ngan aya di hutan hujan Brazil.[8] Schlumbergera ngan kapanggih di pagunungan deukeut basisir di wewengkon tenggara Brazil, nyaéta di Sao Paulo, Rio de Janeiro, Minas Gerais jeung Espirito Santo. Sababaraha tempat anu geus kapanggih ngabentang nepi ka Tropic of Capricorn jauh di lebah kalér, misalna di bagian tropis pangkidulna.[8]

Ieu tutuwuhan hirup dina daratan nu jangkungna 700 meter tina beungeut laut, tapi aya ogé dina 1,780 meter. Iwal ti éta kapanggih bisa hirup dina babatuan di jero leuweung basisir nu lembab.[9]

Morfologi[édit | édit sumber]

Spésiés tina génus Schlumbergera umumna boga dahan anu wangunna siga daun.Sababaraha spésiés tumuwuh kalawan boga kembang anu panjang.[8] Dina sawatara spésiés ségmén batangna ipis, tapi aya ogé anu buleud. Perenah kembangna umumna horizontal. Daging buahna lemes atawa keusrak, gumantung spésiésna.[8]

Variasi wangun dahanSchlumbergera
Variasi warna kembang dina grup Truncata modéren
S. 'Bristol Queen' tina grup Reginae

Spésiés[édit | édit sumber]

Konservasi & Budidaya[édit | édit sumber]

Sawatara spésiésna kaancam punah dina daptar beureum IUCN,[8] antarana Schlumbergera microsphaerica[16] jeung Schlumbergera opuntioides[17]. Ieu kaktus réa dibudidayakeun pikeun djadikeun hiasan taman, kalawan disimpen dina pot atawa dipelak dina taneuh. Cara ngipukkeunna bisa ku neukteuk dahanna, tuluy diteundeun dina média pikeun melak.[18] Minangka pepelakan pikeun hiasan di imah, budidaya Schlumbergera kawilang gampang. Sababaraha hal anu disarankeun pikeun ngabudidayakeun ieu tutuwuhan di antarana[19]:

  • Média melak: kudu garing, beunghar humus, campuran dangdaunan nu geus buruk, jeung keusik. Disarankeun melakna dina pot leutik.[19]
  • Nyébor: Ieu tutuwuhan leuwih toléran tina kakeueum ti batan tutuwuhan imah séjénna, tapi bisa ogé ruksak upama kurang atawa leuwih teuing nyéborna. Média pikeun melakna cukup sina lembab baé.[19]
  • Cahya: Ieu tutuwuhan bisa ruksak upama kapoé teuing, nu ngajadikeun warnana semu beureum. Tapi, lamun kurang kapoé bakal hésé kembangan.[19]

Hama jeung Panyakit[édit | édit sumber]

Dina usaha budidaya, ieu tutuwuhan kawilang bébas tina hama jeung panyakit.[20] Sanajan kitu, aya hama kutu nu nyerang sirung ngora, jeung kembang.[20] Dina akarna kapanggih ogé kutu anu nyerang dina jero taneuh.[20] Tangkal jeung akar bisa buruk lantaran panyakit atawa jamur jeung sarupaning nu kitu. Pikeun ngungkulanana bisa dibéré obat kimia anu merenah.[20]

Rujukan[édit | édit sumber]

  1. "Schlumbergera Lem. | Plants of the World Online | Kew Science". Plants of the World Online. Diakses tanggal 2020-05-29. 
  2. a b "Schlumbergera". World of Succulents (dalam en-US). Diakses tanggal 2020-05-29. 
  3. McMillan, A. J. S.; Hunt, David R., 1938-; Taylor, Nigel P. (1995). Christmas cacti : the genus Schlumbergera and its hybrids. Sherborne: D. Hunt. ISBN 0-9517234-7-2. OCLC 34559034. 
  4. "Weihnachtskaktus (Schlumbergera): Pflege & Vermehrung - Die Grüne Welt". web.archive.org. Diakses tanggal 2020-05-30. 
  5. "Cactus de Noël". web.archive.org. Diakses tanggal 2020-05-30. 
  6. "Cactus de acción de gracias, Cactus de Navidad, Cactus de pascua, Cacto de Navidad, Santa Teresita - Schlumbergera truncata = Zygocactus truncatus". web.archive.org. Diakses tanggal 2020-05-30. 
  7. "RECOGNITION and CULTURE of the HOLIDAY CACTI". web.archive.org. Diakses tanggal 2020-05-30. 
  8. a b c d e f "Schlumbergera | Description & Species". Encyclopedia Britannica. Diakses tanggal 2020-05-29. 
  9. Anderson, Edward F., 1932-2001. (2001). The cactus family. Portland, Or.: Timber Press. ISBN 0-88192-498-9. OCLC 44650974. 
  10. "Christmas Cactus | Chicago Botanic Garden". www.chicagobotanic.org. Diakses tanggal 2020-05-29. 
  11. "Christmas cactus (Schlumbergera) / RHS Gardening". www.rhs.org.uk. Diakses tanggal 2020-05-29.  Archived 2020-05-13 di Wayback Machine
  12. "Schlumbergera rosea". rhipsalis.com. Diakses tanggal 2020-05-29. 
  13. "Schlumbergera kautskyi cutting". seedlingsandcuttings.eu. Diakses tanggal 2020-05-29. [tumbu nonaktif]
  14. "Schlumbergera microsphaerica". www.llifle.com. Diakses tanggal 2020-05-29. 
  15. "Schlumbergera opuntioides". World of Succulents (dalam en-US). Diakses tanggal 2020-05-29. 
  16. Kew), Nigel Taylor (RBG; Assessment), Daniela Zappi (RBG Kew / Global Cactus. "IUCN Red List of Threatened Species: Schlumbergera microsphaerica". IUCN Red List of Threatened Species. Diakses tanggal 2020-05-29. 
  17. Kew), Nigel Taylor (RBG; Assessment), Daniela Zappi (RBG Kew / Global Cactus. "IUCN Red List of Threatened Species: Schlumbergera opuntioides". IUCN Red List of Threatened Species. Diakses tanggal 2020-05-29. 
  18. "Schlumbergera, Christmas cactus - caring for this pink-flowering succulent". Nature and garden (dalam en-US). Diakses tanggal 2020-05-29. 
  19. a b c d McMillan, A. J. S.; Hunt, David R., 1938-; Taylor, Nigel P. (1995). Christmas cacti : the genus Schlumbergera and its hybrids. Sherborne: D. Hunt. ISBN 0-9517234-7-2. OCLC 34559034. 
  20. a b c d McMillan, A. J. S.; Hunt, David R., 1938-; Taylor, Nigel P. (1995). Christmas cacti : the genus Schlumbergera and its hybrids. Sherborne: D. Hunt. ISBN 0-9517234-7-2. OCLC 34559034.