Si Bedog Panjang

Ti Wikipédia, énsiklopédia bébas
Loncat ke navigasi Loncat ke pencarian


Si Bedog Panjang nyaéta salah sahiji judul novel karya Ki Umbara anu medal dina taun 1983, ku pamedal Rahmat Cijulang.[1] Kandel buku na nyaéta 120 kaca.[1]

Tingkesan[édit | édit sumber]

Novel Si Bedog Panjang nyaritakeun hiji budak lalaki nu ngaranna Sunarya, tapi alatan sababaraha perkara manéhna ngarobah ngaran jadi Winarya.[2] Ari Winarya téh nyaéta lanceuk téréna.[2] Indung Sunarya kawin jeung Bapa Winarya, duanana pada-pada mawa budak lalaki.[2] Umur Winarya leuwih kolot ti batan Sunarya.[1] Péndék carita, Sunarya dipaksa ku Bapana sangkan ngagantian Winarya pikeun nuluykeun sakola di Sukabumi.[2] Mimitina mah manéhna embungeun, nepi ka basa ditéang ku Yunus jeung Cécé di Setasion, Sunarya tuluy ngébréhkeun sakabéh rusiahna.[2] Hiji mangsa, Cécé pendak jeung hiji lalaki nu mamawa bedog panjang di salah sahiji tempat nu poék deukeut asrama.[2] Éta jalma téh nyarita yén manéhna néangan Winarya.[2] Ti harita, Yunus jeung Cécé tuluy nalungtik ngeunaan pasualan nu keur disanghareupan ku Sunarya nu dititah nyamar ku Bapana jadi Winarya, sarta dititah ngagantian Winarya sakola.[2] Pondok carita,éta lalaki nu misterius téh dingaranan Si Bedog Panjang.[2] Basa ngamimitian mangsa dék libur sakola, Winarya ngarencana dék balik ka Lémbang tujuana mah hayang pendak jeung Nini tegesna.[2] Yunus jeung Cécé kacida bungah pisan basa Winarya ngajak maranéhna ngilu ka Lémbang.[2] Salian ti pikeun ngadon ulin, Yunus jeung Cécé miboga tujuan séjén nyaéta pikeun maluruh perkara ngeunaan Si Bedog Panjang.[2] Di Lémbang, éta babaladan téh tungtung na mah meunangkeun informasi ngeunaan Si Bedog Panjang.[2] Malah mah nepi ka pendak ogé jeung Winarya nyaan, nu harita mah nyamar jadi budak séjén.[2] Maranéhna ogé pendak jeung mamang na Sunarya nu kacida jembar pisan dina perkara pangalaman moro di leuweung.[2] Pondok carita, sanggeus balik deui ka Bandung, Yunus jeung Cécé beuki teuleum kana masalah Winarya jeung Sunarya, ahirna kapendak yén [[Si Bedog Panjang téh nyaéta mamang na Sunarya.[2] Niat na mah hadé, da pikeun nyalametkeun harta warisan Sunarya ti indung na nu kalah di alung boyongkeun ku Bapa téréna Sunarya.[2] Tungtungna, ku hadé-hadé na haté Sunarya, manéhna kalah ngabagi éta warisan jeung Winarya nu mangrupa lanceuk téré nu hirupna kari nyorangan.[2] Sunarya jeung Winarya, dijadikeun anak angkat ku mamangna, sabab mamang na Sunarya gé can bogaeun budak.[2]

Rujukan[édit | édit sumber]

  1. a b c Si Bedog Panjang
  2. a b c d e f g h i j k l m n o p q r s [Umbara, Ki. 1983. "Si Bedog Panjang"], Bandung: Rahmat Cijulang.