Éléktrokimia

Ti Wikipédia, énsiklopédia bébas
Luncat ka: pituduh, sungsi

Éléktrokimia mangrupakeun cabang kimia nu ngulik réaksi nu lumangsung antara konduktor éléktronik (éléktroda nu dijieun tina logam atawa semikonduktor, kaasup grafit) jeung konduktor ionik (éléktrolit).

Mun hiji réaksi kimia disababkeun ku voltase ti luar, atawa mun voltase disababkeun ku réaksi kimia, sakumaha lumangsung dina batré, mangka disebutna réaksi éléktrokimia. Sacara umum, éléktrokimia patali jeung kaayaan misahna réaksi oksidasi jeung réduksi. Transfer muatan anu langsung ti hiji molekul ka molekul lianna teu kaasup dina jejer éléktrokimia.

Dasar[édit | sunting sumber]

Réaksi rédoks[édit | sunting sumber]

Red right arrow.svg
 Artikel utama: Réaksi rédoks.

Prosés éléktrokimia mangrupakeun réaksi rédoks nu énérgina dihasilkeun ku réaksi dadakan nu ngahasilkeun listrik. Kitu ogé sabalikna, aliran listrik ngadorong ayana réaksi kimia.

Oksidasi jeung réduksi[édit | sunting sumber]

Unsur-unsur nu aub dina hiji réaksi éléktrokimia dicirikeun ku jumlah éléktron nu dipimilikna. Kaayaan oksidasi hiji ion nunjukkeun jumlah éléktron nu geus ditampa atawa disumbangkeunana dibandingkeun jeung kaayaan nétralna (nu ditangtukeun mibanda kaayaan oksidasi 0). Mun hiji atom atawa ion nyumbang hiji éléktron dina hiji réaksi, mangka kaayaan oksidasina ngaronjat, sedengkeun mun nampa éléktron, kaayaan oksidasina nurun.

Pikeun conto, dina réaksi natrium jeung klorin, natrium nyumbang hiji éléktron sahingga jadi boga kaayaan oksidasi +1, sedengkeun klorin, nu nampa éléktron ti natrium, kaayaan oksidasina jadi −1. Tanda kaayaan oksidasi (positip/négatip) patali jeung ajén muatan éléktronik ionna. Daya tarik ion natrium jeung klorin nu béda muatanana mangrupakeun alesan pangna éta dua ion ngabentuk beungkeut ionik.

Leungitna éléktron ti hiji zat disebut oksidasi, sedengkeun ditampana éléktron disebut réduksi. Zat nu kaleungitan éléktron katelah ogé agén réduksi atawa réduktan, sedengkeun zat nu nampa éléktronna katelah agén oksidasi atawa oksidan. Agén oksidasi salawasna diréduksi, sedengkeun agén réduksi salawasna dioksidasi.

Nampa oksigén, kaleungitan hidrogén, jeung ngaronjatna bilangan oksidasi ogé dianggap oksidasi, kitu ogé sabalikna.

Sumber rujukan[édit | sunting sumber]

Tumbu kaluar[édit | sunting sumber]


Kimia

Kimia analitis | Kimia organik | Kimia anorganik | Kimia fisik | Kimia polimér | Biokimia | Élmu bahan | Kimia lingkungan | Farmasi | Térmokimia | Éléktrokimia | Kimia inti | Kimia komputasi
Tabel periodik | Daptar sanyawa


Nulis.jpg