Selulosa

Ti Wikipédia, énsiklopédia bébas
Luncat ka: pituduh, sungsi
Selulosa, polimér liniér D-glukosa nu ditumbukeun ku beungkeut glikosida-β(1→4).

Selulosa (C6H10O5)n nyaéta karbohidrat polimér polisakarida rantay panjang béta-glukosa. Selulosa ngawangun komponén struktural utama dina tutuwuhan nu teu bisa dicerna ku manusa.

Sajarah jeung larapan[édit | sunting sumber]

Selulosa dina wangun tilu-diménsi, némbongkun opat unit glukosa (hideung = karbon; beureum = oksigén; bodas = hidrogén).

Selulosa mangrupakeun bahan ilahar na dinding sél tutuwuhan, munggaran kacatet taun 1838. Dina wujud ampir murni, selulosa alami ukur aya dina serat kapas; ari dina kalolobaan tutuwuhan mah pacampur jeung lignin sarta hémiselulosa. Selulosa mangrupakeun biomassa panglobana (Crawford, R. L. 1981. Lignin biodegradation and transformation, John Wiley and Sons, New York). Selulosa, hususna cotton linters, dipaké dina industri nitroselulosa, nu baheula dipaké pikeun mesiu tanpa haseup.

Sababaraha sasatoan, hususna ruminan (sato nu "ngamamah biak") jeung rinyuh, bisa nyerna selulosa ku ayana mikroorganisme simbiotik - tempo métanogén.

Selulosa diolah pikeun nyieun selofan jeung rayon, kabéhdieunakeun Modal, tékstil nu diturunkeun tina selulosa beechwood.

Selulosa ogé dipaké di laboratorium salaku substrat bentuk padet dina kromatografi lapis ipis.

Selulosa mangrupakeun bahan dasar utama kertas.

Kimia[édit | sunting sumber]

Monomér selulosa (béta-glukosa) ditumbukeun ngaliwatan beungkeut glikosida 1,4. Na mikrofibril, gugus-gugus hidroksidana ngawangun beungkeut hidrogén antara hiji jeung nu lianna, sahingga rantayna pageuh. Kakuatan ieu penting pikeun pinding sél, nu nganyam matriks karbohidrat, sahingga tutuwuganana heuras.

Dina bahan selulosa, bagian nu teu leyur na natrium hidroksida (NaOH) 17.5% nu hawana 20 °C disebut Selulosa Alfa, nu mangrupakeun selulosa nu sabenerna; bagian nu leyur lajeng ngendap nalika diasamkeun disebutna Selulosa Béta, sedengkeun bagian nu leyur tapi teu ngendap disebut Selulosa Gama.

Tempo ogé[édit | sunting sumber]