Abdullah Gymnastiar
 Abdullah Gymnastiar | |
| Gumelar | 29 Januari 1962 Bandung |
| Pagawéan | Pamingpin Pasantern |
| Kabangsaan | Indonésia |
| Subjék | Inohong Kaagamaan |
| Pasangan | Élfarini Éridani |
Abdullah Gymnastiar leuwih dipikawanoh Aa Gym (gumelar di Bandung, Jawa Kulon, 29 Januari 1962; umur 62 taun) nyaéta pamingpin Pasantren Daarut Tauhid (DT).[1] Cikal ti opat duduluran ieu, babar ka dunya kalayan ngaran Yan Gymnastiar, di Bandung.[2] Awalna Aa' Gym teu kungsi mikir baris jadi dai.[2] Kahirupan anu dilakonan sarua waé jeung rumaja umumna.[2] Tapi, hiji kajadian penting dina hirupna, anu saterusna ngarobah sagalana.[2] Aa' Gym kainspirasi ku almarhum adina, Agung.[2] Cacak dina kaayaan lumpuh, adina tetep tékad ngabéréskeun kuliah di Fakultas Ékonomi Universitas Padjadjaran.[2] Hasilna, sacara gunta-ganti, Aa gym babarengan jeung adina anu séjén, nungtun Agung ka kampus.[2] Anjeunna nyaéta saurang Muslim anu modérn.[3] Manéhna nu ngarojong ageman abad ke-21 anu ngalengkepan sarta ngaronjatkeun mangpaat ti téknologi.[3] Talatah-talatah dakwahna ngeunaan dina ngadalikeun diri, haté nurani, toléransi, sarta keteguhan iman. [3] Aa Gym sarta pasantrénna téh mangrupa fénomena.[1] Nu dimimitian tina usaha perékonomian sarta pangajian rutin, nu dirintis babarengan jeung babaturanna dina taun 1987, ayeuna ngajanggélék jadi pasantrén anu béda jeung nu sejénna sarta kagiatan perékonomian jeung atikan nu sibuk.[1] Gedong nu opat lanté dimangpaatkeun pikeun kantor 20-an unit usaha DT, di taun 2000 omsétna geus ngahontal 8 miliyar rupiah.[1] Aa gym sarta Pasantrén DT-na terus ngaléngkah.[1] Léngkah satuluyna nyaéta ngamekarkeun sababaraha cabang DT di wewengkon séjén.[1] Ngaran Aa Gym ogé beuki kasohor, sawatara di acara média éléktronik, radio, sarta seminar-seminar anu ménta Aa Gym pikeun nu ngeusi acara.[1]
Atikan
[édit | édit sumber]- SD Sukarasa III KPAD Bandung
- SMP 12 Bandung
- SMU 15 Bandung
- UNPAD; Atikan Ahli Administrasi Perusahaan (PAAP)
- Institut Téknologi Bandung (ITB), Bandung, Jurusan Téknik Éléktro
- Fakultas Téknik Universitas Jenderal Achmad Yani (Unjani), Cimahi, Bandung.[1]
Karir
[édit | édit sumber]Da'i sarta pangasuh Pasantrén Daarut Tauhiid (DT); nu ngokolakeun unit bisnis DT, nyaéta PT Berkah Serumpun (BS), usahana ngawengku kana ngokolakeun taksi, jasa transportasi, jasa kontruksi, SPBU, cai mineral; PT Manajemen Qolbunsalim (MQ), usahana ngawengku percetakan, sarta rékaman, nyéwakeun sound system, karajinan Islami, travel, penerbitan, kafé, warnét, wartél, Sanggar Busana Darunnisa, sarta klinik; Kopontren DT, usahana ngawengku Lembaga Keuangan Syariah, Super Mini Market DT, Cottage Daarul Jannah, pamasok Pelumas, sarta béngkél Motor DT; Yayasan DT ushana ngawengku lembaga atikan, Bisnis Center sarta Informasi PPMDT (Persaudaraan Pengusaha Muslim DT), Santri Agrobisnis; Asuransi Takaful; PT Perkakas DT, usahana ngawengku nu nyadiakeun komponén spare part, plastik, fiber, métal, sarta alat kontruksi.[1]
Kalangenan
[édit | édit sumber]Minangka jadi dai, Aa' Gym mibanda sawatara kalangenan anu teu sawajarna pikeun ukuran jalma anu turun di widang kaagamaan.[2] Sebut waé, teuleum, némbak, terjun payung, nembang lagu country, resep ka motor gedé, tumpak kuda, sarta jadi pilot.[2] Pikeun sagudang kelangenan anu teu dawam ieu, Aa' Gym miboga udagan husus. Anjeunna ngajadikeun kalangenanna minangka objek da'wah.[2] Baris leuwih gampang nepikeun da'wah, lamun gaul di lingkungan kasebut.[2] Bari ngalakonan kalangenan, da'wah katepikeun ogé.[2]
Rujukan
[édit | édit sumber]
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |