Cingcin
Cingcin; lilipén (lemes) nyaéta perhiasan anu wangunna buleud leutik anu dipaké dina ramo jariji, aya nu maké permata aya ogé nu henteu[1].[2]
Sajarah Cingcin
[édit | édit sumber]Sajarah Cingcin Kawin
[édit | édit sumber]Sajarah cingcin kawin mimitina ti Pharaohs of Egypt (pharaoh ti Mesir) anu ngajadikeun buleudan minangka simbul[3]. Buleudan mangrupa salah sahiji hal anu teu miboga tungtung, ngawakilan simbul kaabadian[3].Ti mimiti jaman Romawi cingcin dijadikeun simbol kawin[3]. Mimitina cingcin kawin bahanna tina beusi[3]. Tuluy robah jadi emas ku sabab katingali leuwih alus komo lamun dihijikeun jeung permata[3]. Simbol mimiti anu paling dipikawanoh minangka pamaés cingcin nyaéta batu ruby beureum anu nandakeun haté[3], batu safir warna biru tandaning surga, tapi anu pangdipikahayang mah nyaéta berlian, hiji batu anu teu bisa diancurkeun[3]. Tradisi tukeur cingcin nalika kawin mimitina diwanohkeun di gereja Yunani Orthodox kurang leuwih taun 1300-an[3]. Cingcin nepi ka ayeuna masih jadi simbol acara kawinan[3]. Sanajan unggal jaman, wangunna robah-robah ngigelan trend tapi ma'na nu nyangkaruk dina cingcin éta teu robah minangka pamatri, tandaning hiji pernikahan anu teu meunang peunggas luyu jeung wangun cingcin anu buleud nu teu miboga tungtung[3].
Cingcin Tunangan
[édit | édit sumber]Archduke Maximilian ti Austria, mangrupa jalma nu kudu “disalahkeun” ku sabab ngawanohkeun cingcin berlian[3]. Nalika taun 1477, Maximilian méré ka kabogohna Mary of Burgundy cingcin berlian, ti harita mimiti gelarna cingcin tunangan jadi dipikawanoh[3].
Rupa-Rupa Cingcin
[édit | édit sumber]1. Cingcin belah rotan nyaéta cingcin anu euweuh permataan, buleud di luar jeung datar di jerona[1].
2. Cingcin berapit nyaéta cingcin anu miboga tilu permata, hiji permata aya ditengah-tengah di barengan ku dua permata nu laleutik[1].
3. Cingcin cap nyaéta cingcin anu maké cap atawa ngaran[1].
4. Cingcin dalima nyaéta cingcin anu maké batu dalima(permata anu warnana beureum ngora jiga dalima)[1].
5. Hidung Tern nyaéta cingcin anu dipaké dina sekat irung sapi jalu sangkan babari ditéwak atawa diuruskeun[1].
6. Cingcin kawin nyaéta cingcin polos, anu biasana euweuh permataan dibagéan jerona aya ngaran salaki atawa pamajikanana minangka tanda yén maranéhna geus kawin[1].
7.Cingcin mata Tern nyaéta kulit anu wangunna jiga cingcin anu ngurilingan panon hayam[1].
8.méterai cingcin cap nyaéta penyetel Tek parabot pikeun ngukur atawa "menyetel kedudukan cincin" dina piston, cingcin tunangan minangka tanda geus aya pertunangan resmi[1].
8.Pintal tiga cingcin nyaéta cingcin anu dijieun tina kawat emas anu pinilih[1].
Referensi
[édit | édit sumber]
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |