Aluminium
Aluminium nyaéta barang logam anu kacida hampangna jeung warnana méh saperti timah bodas.[1] Sok dijieun parabotan dapur saperti panci, kobokan, rantang, jeung sajabana.[2] Mangrupa hiji tina logam-logam anu panglobana nu aya di alam [3]. Ampir 8 persén tina kerak bumi ngandung aluminium[3]. Kahengkeranana nyaéta yén aluminium henteu kungsi kapanggih leupas di alam, tapi kacampur kalayan sagala rupa zat, sarta bagian ti loba babatuan jeung taneuh[3].
Ku sabab éta, masalah anu disanghareupan nyaéta kumaha nyieun logam nu murah sarta aya dina jumlah-jumlah nu réa. Dina tanggal 23 Pebruari 1886, saurang ahli kimia anu umurna 22 taun anu ngaranna Charles Martin Hall manggihan solusi masalah éta sarta lahir jaman logam anyar, jaman alumunium[3]. Manéhna ngalééhkeun cryolite, hiji sanyawa aluminium, nu dicampur jeung aluminium oksida, sarta ngocorkeun arus listrik saarah kana campuran éta[3].
Sanggeus dilééhkeun, muncul kancing-kancing leutik aluminium metalik, prosés kahiji anu kungsi kapanggih pikeun ngahasilkeun logam[3]. Aluminium mékanik nyaéta sajenis logam bodas kawas pérak anu ngempur anu beuratna kira-kira ngan hiji pér tilu ti beurat beusi[3]. Logam éta bisa dirobah jadi kawat-kawat anu leuwih lemes ti buuk-buuk anu panglemesna, sarta dijieun jadi lembaran-lembaran sababaraha kali leuwih ipis ti kertas hiji buku[3].
Salah sahiji bentuk ti aluminium nyaéta Aluminium Dioksida (Al2O3). Aluminium dioksida dianggo keur industri pengolahan hawa pikeun misahkeun gas ka masing-masing molekul na atawa disebut separasi gas. Aluminum dioksida nu diaktifkeun disebat activated alumina desiccant.
Rujukan
[édit | édit sumber]- ↑ Komandoko, Gamal (2010). Ensiklopedia Pelajar dan UmumKomandoko. Jakarta: Pustaka Widyatama. p. 80. ISBN 9789796103713. Disungsi18 Januari 2023
- ↑ Danadibrata,R.A.2006.Kamus Basa Sunda.Bandung:Kiblat Buku Utama
- ↑ a b c d e f g h (id) Leokum, Arkady(1997) Aku Ingin Tahu Jilid 1 Jakarta:Quality Press
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |