Batagor
Batagor nyaéta wancahan tina baso tahu goréng, kadaharan has Bandung, Jawa Kulon anu bahan utamana nyaéta lauk tanggiri nu dicampur jeung aci atawa tipung sagu, biasana dijual di roda sisi jalan atawa nguriling ka kampung-kampung.[1][2] Malahan mah kiwari loba ogé nu jualanan ditempat matuh, saperti kios atawa kafe.[2] Pohara nikmatna disajikeun kalayan maké sambel anu bahan dasarna suuk goréng.[1] Batagor téh dipikaresep pisan ku balaréa, salian ti rasana nu ngeunah, hargana ogé murah, bisa kabeuli ku masarakat.[2] Batagor téh kiwari geus sumebar lain ngan di Bandung wungkul, tapi ogé disakuliah daérah Jawa Kulon, Jakarta,jsb.[2]
Cara nyieun batagor
[édit | édit sumber]Pikeun nyieun batagor téh siapkeun bahan-bahan saperti lauk tanggiri nu meunang ngagiling, tipung sagu atawa aci, endog, kulit pangsit.[2] Bungbu nu biasana digunakeun di antarana pedes bubuk, uyah, gula bodas jeung bawang bodas.[2] Sanggeus sakabéh bahan sadia, tuluy campurkeun kabéh bahan jeung bungbu dina hiji wadah, galokeun nepi ka kalis, tuluy cetak kanu kulit pangsit.[2] Geus kitu mah kari ngagoréng.[2] Biasana Batagor téh dipidangkeun maké sambel suuk.[2] Kacida ni'matna mun dipidangkeun hanuet-haneut.[2]
Rujukan
[édit | édit sumber]
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
- ↑ a b "Batagor - Makanan khas Bandung". Nutrisi Untuk Bangsa. Diakses tanggal 2017-10-12. Archived 2017-11-02 di Wayback Machine
- ↑ a b c d e f g h i j "Batagor Jajanan Khas Kota Bandung, Jawa Barat". www.negerikuindonesia.com. Diakses tanggal 2017-10-12. Archived 2017-11-08 di Wayback Machine