Cingir

Ti Wikipédia, énsiklopédia bébas
Jump to navigation Jump to search
Little/pinky finger
Little finger.jpg
Pinky
Rincian
Arteri Proper palmar digital arteries,
dorsal digital arteries
Vena Palmar digital veins,
dorsal digital veins
Saraf Dorsal digital nerves of ulnar nerve
Limfa supratrochlear
Pengenal
Latin digitus minimus manus,
digitus quintus manus,
digitus V manus
Dorlands
/Elsevier
d_18/12296668
TA A01.1.00.057
FMA Citakan:FMA
Terminologi anatomi

Cingir (Basa Indonésia: kelingking; Basa Inggris: pinky, little finger atawa pinky finger) nyaéta ramo pangsisina (ulnar) jeung biasana mah mangrupa ramo pangleutikna dina leungeun manusa, lawanna nyaéta ramo jempol, ari ramo nu adekna mah nyaéta jariji.

Étimologi[édit | édit sumber]

Dina basa Inggris, kecap pinky mangrupa turunan tina kecap basa Walanda pink, nu hartina nyaéta cingir. Di sawatara wewengkon mah kecap pinky ogé jadi sebutan pikeun budak pangleutikna dina hiji kulawarga indung bapa, mun ceuk urang Sunda mah istilahna téh disebut bungsu.

Otot[édit | édit sumber]

Aya salapan otot nu ngendalikeun ieu ramo: Tilu di sisi hipotalamus, dua fléksor ékstrinsik, dua éksténsor ékstrinsik, jeung dua otot intrinsik lianna.

Signifikansi budaya[édit | édit sumber]

Jangji[édit | édit sumber]

A pinky swear

Ari barudak Amérika, miboga tradisi "sumpah" atawa "janji" nu dijieun diantara barudak éta ku cara ngaitkeun cingir nu saurang jeung cingir budak séjénna jeung dibarengan ku ngucapkeun jangjina.[1] Sacara tradisional, ieu dianggap ngiket, jeung ari gagasan awalna mah yén jalma nu ngalanggar jangjina kudu motong cingirna. Aya tradisi nu sarua, di antara anggota yakuza Jepang (gangster), hukuman pikeun rupa-rupa palanggaran nyaéta dipotongna ramo cingir (istilahna disebut yubitsume).[2] Ngacung-ngacung cingir ogé bisa diisaratkeun ngahina yén hiji jalma téh mibanda sirit nu leutik.

Cingcin[édit | édit sumber]

Cingcin beusi mangrupa cingcin simbolis nu ilahar dipaké ku lolobana insinyur Kanada. Éta cingcin téh mangrupa simbul kareueus jeung handap asorna para profési téhnik, jeung sok dipaké utamana mah dina ramo cingir. Di Amérika Sarikat cingcin ahli téhnik téh dijieunna tina stainless steel nu dipaké dina cingir ku para pagawé kaasup insinyur Order of the Engineer jeung nu geus nampa Obligation of Engineer.

Di Australi jeung Inggris, cingcin téh tawis nu sacara tradisional dipaké dina cingir leungeun kénca lalaki. Dina sawatara taun kabéhdieunakeun geus teu dipaliré deui aturan pamakéanana téh, makéna téh dina ramo mana baé sakahayangna. Ngan dominanna mah dina ramo cingir.

Rujukan[édit | édit sumber]

  1. Roud, Steve. The Lore of the Playground. Random House. 2010.
  2. Hill, Peter B. E.: "The Japanese Mafia: Yakuza, law, and the state", p. 75. Oxford Univ. Press, 2003

Tempo ogé[édit | édit sumber]

Wiktionary logo
Baca ogé pedaran Wikikamus ngeunaan kecap