Ciréng

Ti Wikipédia Sunda, énsiklopédi bébas
Loncat ke navigasi Loncat ke pencarian
Ciréng

Ciréng téh wancahan tina aci digoréng, nyaéta kadaharan nu ilahar di wewengkon Sunda, dijieun tina aci sampeu, dibungbuan, tuluy digoréng.[1] Kiwari ciréng téh sumebar lain ngan di wewengkon sunda wungkul, tapi geus aya disababaraha daérah di Indonésia.[1] Ciréng gé kiwari miboga rupa-rupa variasi, saperti ciréng eusi, ciréng rujak, ciréng bungbu banjur, jsb.[1] Sumebarna ciréng disababaraha daérah di Indonésia ku lantaran harga ciréng téh kawilang murah, atawa mun rék nyieun sorangan gé babari.[1] Biasana ciréng dijual di gorobag surung tukang goréngan, salian ti éta loba kafe nu nyadiakeun ménu ciréng nu geus diropéa saperti kadaharan modérn, tapi kiwari téh ciréng ogé loba dijual sacara online.[2]

Cara nyieun ciréng[édit | édit sumber]

Pikeun nyieun ciréng téh gampang pisan, campurkeun aci, tarigu, jeung bawang bodas nu geus dilemeskeun, tuluy kari banjur ku cai panas ngagolak saeutik sautik nepi ka adonan kalis jeung bisa dicetak.[3] Geus kitu mah kari nyetak, tuluy goréng dilisah nu panas, tapi seuneuna leutik.[3]

Tingali ogé[édit | édit sumber]

Foodlogo2.svg


Rujukan[édit | édit sumber]

  1. a b c d Resep Nasional. Cara Membuat Cireng Isi Khas Bandung Diaksés ping 9 Oktober 2017.
  2. Taya, Bethari. "Resep dan cara membuat cireng yang enak dan sederhana dengan isian praktis nan lezat | merdeka.com" (dalam bahasa en). merdeka.com. https://www.merdeka.com/gaya/resep-dan-cara-membuat-cireng-yang-enak-dan-sederhana-dengan-isian-praktis-nan-lezat-kln.html. Diakses pada 2017-11-01 
  3. a b Travel, John (2014-01-12). "Cemilan Populer dari Sunda : Cilok, Cireng & Cimol | Katalog Tempat Wisata & Liburan" (dalam bahasa en-US). Katalog Tempat Wisata & Liburan. http://katalogwisata.com/cemilan-populer-dari-sunda-cilok-cireng-cimol#.Wd4jU4-CzDc. Diakses pada 2017-10-11