Dolph Lundgren
 |
Artikel ieu teu boga rujukan sumber nu bisa dipercaya jadi eusina teu bisa divérifikasi. Pitulung ngabenerkeun artikel ieu kalawan nambihkeun rujukan nu bener. Artikel nu teu bisa divérifikasi bisa dihupus ku Kuncén. |
.jpg)
Hans Lundgren atawa dipikawanohna mah Dolph Lundgren (gumelar di Stockholm, Swédia, 3 Oktober 1957; umur 67 taun) nyaéta saurang aktor Hollywood asal Swédia. Salian dipikawanoh salaku aktor, dirina ogé dipikawanoh salaku saurang sutradara sarta pacinta seni béla diri. Dolph lahir ti pasangan Brigitta anu saurang guru basa sarta Karl Lundgren saurang insinyur jeung ahli ékonomi pikeun pamaréntah Swédia. Dolph boga dua urang dulur awéwé sarta saurang dulur lalaki. Lundgren digedékeun di lingkungan anu kentel ku agama garéja Lutheran. Mangsa ngorana dibéakkeun dina neuleuman mangrupa-rupa cabang béla diri jeung olahraga.
Karir
[édit | édit sumber]Olahraga jeung atikan
[édit | édit sumber]Lundgren ngamimitianna salaku sauarang atlét angkat beusi dina klub angkat beusi lokal, sarta ngahasil meunangkeun paringkat katilu dina kajawaraan angkat beusi nasional junior Swédia. Lundgren ogé kacatet salaku panyekel Dan III sabuk hideung karaté dina Kyokushin Karate, sarta pernah meunangkeun kajawaraan Éropa dina taun 1980 jeung 1981, ogé kajawaraan angkat beusi di Australia dina taun 1982. Nalika masih nyekel sabuk héjo kénéh mah, dirina geus jadi kaptén tim Kyokushin Karate Swédia dina World Open Tournament taun 1979. Lian karate Kyokushin, Lundgren ogé nekunan anggar, tinju, judo, jeung Goju-ryu. Salian préstasi di widang béla diri, Lundgren ogé lumayan nyongcolang dina widang atikan, sanggeua lulus ti Royal Institute Technologi, sarta nyekel gelar S2 ti University of Sydney Jurusan Téknik Kimia. Lundgren ogé meunangkeun béasiswa pikeun sakola di Massachusetts Institute of Technology, tapi diengkeun pikeun ngudak karir akting. Lundgren ngawasaan leuwih ti 5 basa, saperti basa Swédia, basa Inggris, basa Jérman, basa Perancis, basa Spanyol, saeutik basa Jepang jeung basa Italia.
Perpileman
[édit | édit sumber]Lundgren dipikawanoh salaku aktor ku waragad jangkung gedé (195 séntiméter/111,5 kilogram) anu ngajadikeunna kaasup kana golongan aktor laga gedé saperti Sylvester Stallone, Arnold Schwarzeneger, jeung Jean-Claude Van Damme, anu kasakabéhna téh pernah gawé bareng jeung manéhna dina sawatara pilem. Pilem debutna nyaéta peranna salaku saurang Rusia anu ngaranna Venz dina pilem James Bond A Viwe To Kill dina taun 1985. Sanggeusna, Lundgren ngéléhkeun 5.000 urang lianna pikeun peranna salaku Ivan Drago dina Rocky IV, anu adu akting jeung kamampuh béla dirina jeung Sylvester Stallone. Dina awalna mah manéhna ditolak ku sabab jangkung teuing, tapi antukna mah ditarima sanggeus manéhna latihan binaraga sarta tinju. Sanggeus kitu Lundgren meunang peran utama munggaranna dina He-Man: The Master Of The Universe. Lundgren ogé maén dina Red Scorpion jeung The Punisher.
Dina taun 1990, manéhna mimiti maén jeung sababaraha aktor laga kasohor, saperti Brandon Lee dina Showdown In Little Tokyo, Jéan-Claude Van Damme dina Universal Soldier, Vic Armstrong dina Joshua Tree, Keanu Reeves jeung réa deui. Sanggeus jadi aktor, Lundgren ogé ngamimitian debutna salaku sutradara dina pilem The Defender jeung The Mechanic. Loba pilem séjén anu disutradaraan, saperti The Inquiry, Dioamond Dogs, jeung Missionary Man. Anu panungtung, Lundgren ngabéntangan pilem Direct Contact jeung Command Performance anu dipedal dina Nopémber 2009. Lundgren ogé adu akting deui jeung Van Damme dina Universal Soldier: Regeneration dina Pébruari 2010.