Garu

Ti Wikipédia, énsiklopédia bébas
Luncat ka: pituduh, paluruh
Ngagaru sawah

Garu nyaéta parabot tukang tani anu siga wuluku maké papan malang nu di handapna dihuntuan ku kai, ditarikna ku munding.[1] Garu gunana pikeun ngaratakeun leutak bari sakalian ngumpulkeun jukut di sawah nu beunang ngawuluku.[1] Ngaguguntur balong nu loba leutakna sok maké garu anu teu maké huntu bari disedekkeun ka lebah kuluwung.[1] Garu kitu potonganana leutik sarta ditarikna ku leungeun.[1] Garu huntuan sok disebut ogé garu rénténg.[1]

Babagian[édit | édit sumber]

  • Huntu garu dijieunna tina ruyung atawa beusi anu nyocog dina garu, wangunna kawas sisir.[2]
  • cagak nyaéta panahan cacadan anu luhur, paranti diiuk tukang munding.[2]
  • Kokolécéran nyaéta kai nu dipaké mageuhan cacadan anu luhur.[2]
  • Cacadan nyaéta awi nu nyodor ka hareup, anu dipaké narik garu.[2]
  • Pamélét nyaéta awi paranti ngaratakeun taneuh lamun geus lembut.[2]

Rujukan[édit | édit sumber]

  1. a b c d e Danadibrata, R.A. (1 Desember 2009). Kamus Basa Sunda R.A. Danadibrata. Bandung: Kiblat Buku Utama. p. 209. ISBN 9793631937. 
  2. a b c d e Drs. Ahmad Hadi, Dkk (2009). PEPERENIAN. Bandung: Geger Sunten. p. 149. ISBN 97860277841116 Check |isbn= value (bantuan). 
Nulis.jpg