Gilang Kasnadi
Gilang Kasnadi atanapi Kang Gilang, (gumelar di Majaléngka, 1 April 1979; umur 45 taun) Jawa Kulon nyaéta inohong ngora milénial seni Sunda nu mupusti hususna Basa Sunda kumedarkeun dongéng Sunda nu diapungkeun via youtube anu nyandak carios nu kaétang luhung ajénna ku lantaran aya patalina jeung sajarah karuhun Sunda Parahyangan.
Biografina
[édit | édit sumber]Kang Gilang lahir di Majaléngka sarta kiwari janten ASN di Majaléngka. Di sagigireun kitu anjeuna kalebet nonoman Sunda nu mupusti kasundaan nu bihari dina wanda kiwari. Kumargi kitu kantos aktif di sababaraha radio nu aya di tatar parahyangan wétan, diantawisna Radio Angkasa Kadipatén, Radio VNK Tomo Sumedang, Radio Indraswara Majaléngka, terakhir di RSPD Radika Majaléngka.
Kiprahna
[édit | édit sumber]Dina mupusti seni jeung Basa Sunda, Kang Gilang ngagarap dongéng Sunda kalayan rupa-rupa lalakon jeung latar carita saperti carita Mahaprabu Agung Niskala Wastu Kancana (hiji-hijina Maharaja Karajaan Sunda Pakuan jeung Karajaan Galuh nu ngaheuyeuk nagara 100 taun leuwih)[1]. Jarang aya nu ngadongéng nu wani nyuguhkeun dongéng ku latar sajarah.
Anjeuna gaduh cita-cita mintonkeun dongéng saperti Mang Jaya jeung Wa Kepoh, ku kituna méméh ngadongéng unjukan heula izin ka seniorna, Mang Jaya di radio Linggarjati, Kuningan. Komo Kapala Dinas Pariwisata jeung Kabudayaan Kabupatén Majalengka nu lain seuweu urang Sunda miharep dilastarikeunana acara dongéng Sunda. [2]
Salian ti éta Kang Gilang ilubiung mupusti purbastiti jeung purbajati (adat istiadat) Sunda cara carita pantun zaman bihari. Ogé ieu nonoman ngora kungsi aktif di sababaraha radio di tatar parahyangan wétan, nyaétu Radio Angkasa Kadipatén, Majalengka, Radio VNK Tomo Sumedang, Radio Indraswara Majalengka, terakhir di RSPD Radika Majalengka dina program Cangkurileung merankeun Ceu Ooh.[3] [4]
Longok Ogé
[édit | édit sumber]Rujukan
[édit | édit sumber]- ↑ Wastu Kancana, Tanjeur Na Juritan Jaya Di Buana jeung Prabu Wangisutah, yasana Yoseph Iskandar, Penerbit Kiblat
- ↑ https://majalengka.radarcirebon.com/garap-lakon-legenda-nyi-rambut-kasih Archived 2021-07-14 di Wayback Machine Kang Gilang Garap Lakon Legenda Nyi Rambut Kasih diaksés 12 Juli 2021/
- ↑ https://daerah.sindonews.com/read/168306/29/indraswara-radio-pertama-mengudara-di-majalengka-1600358999/15 diaksés 12 Juli 2021
- ↑ http://www.tintahijau.com/selebriti/16092-pns-ganteng-ini-perankan-ceu-ooh-di-radio-radika-majalengka Archived 2021-07-11 di Wayback Machine Kang Gilang merankeun Ceu Ooh di Radio Radika diaksés 12 Juli 2021
Pranala
[édit | édit sumber]- Dongeng Sunda Kang Gilang di Youtube
- Dongéng Sunda Wastu Kancana
- Dongéng Sunda Prabu Wangisutah
- Dongéng Sunda Tanjeur Na Juritan Jaya Dibuana
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |