Jékét kulit

Ti Wikipédia Sunda, énsiklopédi bébas
Loncat ke navigasi Loncat ke pencarian
Jékét Kulit

Jékét nyaéta baju nu dipaké di luar pikeun nahan angin atawa hawa nu tiis.[1] Sedengkeun nu disebut jékét kulit nyaéta jékét nu dijieunna tina bahan kulit domba, sapi, atawa embé.[2]

Sajarah Jékét Kulit[édit | édit sumber]

Sajarah jékét raket patalina jeung carita Flight Bomber Jacket.[3] Leather Flight Jacket mimiti dijieun nalika Perang Dunya 1.[3] Tujuanana nyaéta pikeun ngahaneutan awak pilot saparakanca nalikaasup ka daérah nu hawana kacida tirisna.[3] Nalikaasup Perang Dunya II, mimiti dijieun Shearling Flight Jacket nyaéta Boomber Flight Jacket nu maké bahan wool di jerona sarta ieu jékét jadi jékét nu panghaneutna di alam harita.[3] Jékét kulit kasohor nalika aya Marlon Brando dina “The Wild One”, James Dean jeung Jack Nicholson dina “Rebel Without Cause", Peter Fonda jeung Dennis Hopper dina “Easy Rider”, Fonzie, béntang pilem jaman ’50-an, sarta Danny Zucco atawa John Travolta dina “Grease”.[4]

Rupa-rupa Jékét Kulit[édit | édit sumber]

Jékét kulit téh loba macemna di antarana:[4]

  1. Jékét bomber klasik nu biasa dipaké ku artis jeung militér, kaputanana saeutik tur leuwih kandel.
  2. Jékét kulit Italia nu kasohor loba kaputanana, leuleus, sarta panjang.
  3. Jékét motor biasana sporty, aya géspéran tur loba sletingna. Ieu jékét kungsi dimodifikasi maké kancing logam nu dipaké ku The Ramones jeung roker punk Inggris taun 1970-an.

Jékét Kulit Sukarégang[édit | édit sumber]

Di Jawa Barat, puseur jékét kulit aya di daérah Sukarégang, Garut Kota.[2] Di ieu tempat, produksi jékét kulit dipigawé ku home industry, ti mimiti penyamakan, ngolah, nepi ka nyieun barang-barang nu asalna tina kulit.[2] Taun 2004 kacatet aya 342 home industry kulit di ieu daérah.[2]
Biasana bahan nu sok dijadikeun jékét kulit mah kulit domba nu alus, sedengkeun kulit sapi jeung embé sok dijieun kantong, gagantél konci, dompét, topi, beubeur jeung réa-réa deui.[2] Jékét kulit Garut geus kasohor ka sakuliah dunya. Loba nagara nu sok ngimpor jékét kulit Garut, kayaning Singapura, Brunéi, Koréa, Taiwan, Arab Saudi, Jepang jeung Australia.[2]

Referensi[édit | édit sumber]

  1. KBBI online (Diakses tanggal 21 Oktober 2011) (id)
  2. a b c d e f Suhardiman,Budi&Darpan.2007.Seputar Garut.Garut:Komunitas Srimanganti (id)
  3. a b c d Sejarah Jaket (Diakses tanggal 21 Oktober 2011) (id)
  4. a b Sejarah Jaket Kulit (Diakses tanggal 21 Oktober 2011) (id)