Jarak
 |
| Jarak | |
|---|---|
| |
| Klasifikasi ilmiah | |
| Karajaan: | |
| Filum: | |
| Kelas: | |
| Ordo: | |
| Kulawarga: | |
| Subfamili: | |
| Tribus: | |
| Subtribus: | Ricininae
|
| Génus: | Ricinus
|
| Spésiés: | R. communis
|
| Ngaran binomial | |
| Ricinus communis | |
Jarak nyaéta ngaran tutuwuhan liar anu biasa hirup di leuweung, tanah kosong, sisi basisir, atawa dipelak minangka komoditi perkebunan.[1] Jarak bisa tumuwuh dina taneuh anu teu subur asal pH na 6 nepi ka 7 sarta drainase caina alus, sabab akar jarak teu kuat ku cai nu ngeyembeng.[1] Ngabudidayakeun jarak mah gampang, nyaéta ku sikina anu geus kolot.[1] Watang jarak wangunna buleud tur leueur, kemprong, warnana héjo aya beureuman.[1] Daunna tunggal selang-seling, wangunna siga ramo, warnana héjo aya ogé jenis jarak anu daunna warna beureum.[1] Kembangna warna konéng gedang.[1] Buahna buleud tur miboga cucuk-cucuk anu beyé, warnana héjo ngora.[1]
Kandungan
[édit | édit sumber]Siki jarak ngandung minyak ricinic 40- 50 % anu ngandung glyceride tina ricinoleic acid, isoricinoleic acid, oleic acid, linolenic acid, jeung stearic acid ricinine, cytochrome C, Lipase sarta sababaraha enzym.[1] Salian ti ricin D, ogé ngandung acidic ricin jeung basic ricin.[1] Ari daunna ngandung kaemferol-3-rutinoside, nicotiflorin, isoquercitrin, rutin, kaempferol, quercetin, astragalin, reynoutrin, ricinine, jeung vitamin C 275 mg %.[1] Sedengkeun minyakna ngandung ricinoleic acid 80%, palmitic acid, stearic acid, linoleic acid, linolenic acid, dihydroxystearic acid, triricinolein 68,2%, diricinolein 28%, monoricinolein 2,9%, nonricinolein 0,9%.[1] Akarna ngandung Methyltrans-2-decene-4,6,8-triynoate, 1-tridecene-3,5,7,9,11-pentyne, Beta-sitosterol.[1]
Mangpaat
[édit | édit sumber]Jarak bisa jadi ubar kanker rahim, kanker kulit, TBC, bisul, koréng, scabies, infeksi jamur, jerawat, ubar ateul, batuk, hérnia, tetanus, bronkhitis,[1] hésé miceun (sembelit), ketombé, reumatik, ngagomplokkeun buuk, bareuh gugusi, sarta nyeri huntu.[1][2]
Referensi
[édit | édit sumber]Tutumbu Kaluar
[édit | édit sumber]- Christophe, Wiart (January 2006). Medicinal Plants Of The Asia-pacific: Drugs For The Future?. World Scientific. ISBN 9789814480338.
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |