Ki hiur
| Ki hiur | |
|---|---|
_(20797163152).jpg)
| |
| Klasifikasi ilmiah | |
| Karajaan: | Plantae
|
| Divisi: | |
| Kelas: | |
| Ordo: | |
| Kulawarga: | |
| Génus: | |
| Spésiés: | Castanopsis javanica (Blume) A.DC
|
Ki hiur; ki hiur; Castanopsis javanica nyaéta hiji tutuwuhan anu asalna tina kulawarga Fagaceae.[1] Kasup tangkal anu gedéna sumedeng, serta hirup di pileuweungan.[1]
Morfologi[édit | édit sumber]
Tangkal mibanda ukuran sedeng nepi ka badag, jangkungna 10-40 m, diaméter tangkal 20-100 cm; tangkal sakapeung karentob; kulit tangkal lemes tapi sakapeung katempo heusrak kawas sisit, kelir kulawu semu coklat.[1]
Daun pangrojong leutik, gampang ragrag, wujudna segitiga atanapi pita, berukuran kurang dari 5 mm x 2 mm. Daun tunggal, sulang seling atawa nyebar spiral, helai daun menjangat, palebah luhurna gundul sakapeung katempo lucir palebah handapna buluan ipis kelirna héjo semu konéng, tungtung daun rata sakapeung aya anu ngagulung, wujudna buleud endog nepika lonyod, gedéna 7-15 cm x 2 - 5 cm, Tungtungna méncos manjang 1-1,5 cm, puhuna mintul sakapeung katempo aya anu méncos; Tulang daun jumlahna 8 -12 pasang. Kembang majemuk dina ranggeuyan, bijil dina tungtung régang atawa kélék daun, kembang jalu jeung bikang mindengna papisah, buluan, kelirna coklat semu emas. Buah kawas kapsul teu simetris, buluan ipis, padet jeung dina mangkok buah anu cucukan, ukuranana 1-1,5 cm x 2-2,5 cm, dina buah aya 1 siki. Siki kacang, Buleud endog semu lonyod. [1]
Daérah Sebaran[édit | édit sumber]
Ieu tutuwuhal loba kapanggih hirup di wewengkon Malaysia, Sabah, Sarawak, Sumatera, Kalimantan, jeung Jawa Barat. Habitatna di leuweung primer, pasir, daérah landeuh nepi ka perenahna di 1000 mdpl. Sakapeung tumuwuh ogé di leuweung sékundér dina jangkungna nepi ka 2000 m dpl. Ngarekahkeun kujalan generatif ngaliwatan binih siki, mimiti kembangan dina bulan Séptémber-Maret, sarta buahan bulan Maret-Desember.[1][2]
Dicutat tina[édit | édit sumber]
- ↑ a b c d e Gumawan, Hendra (2001). 100 Spesies Pohon Nusantara: Target Konservasi Ex Situ Taman Keanekaragaman HayatiGumawan. Bogor: PT Penerbit IPB Press. p. 68. ISBN 9786232560918. Archived 2022-02-15 di Wayback Machine Disungsi14 Peb 2022
- ↑ Rigg, Jonathan (1862). Rigg. Universitas Harvard: Lange. p. 222. Disungsi12 Pébruari 2022
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
