Kim Soo-hyun

Ti Wikipédia Sunda, énsiklopédi bébas
Loncat ke navigasi Loncat ke pencarian

Kim Soo-hyun (gumelar di Seoul, Koréa Kidul, 16 Pébruari 1988; umur 31 taun) nyaéta saurang aktor asal Koréa Kidul anu mimiti kawentar tina peranna minangka Song Sam Dong dina sérial tipi Dream High taun 2011.[1][2] Kim mangrupa mahasiswa lulusan Universitas Central jurusan Theater and Movies.[2] Kim Soo Hyun téh siswa cicingeun nalika masih mahasiswa.[1][2] Kim nangtukeun pikeun ilubiung ka dunya seni peran sarta ngarobah kapribadianna sangkan leuwih ceria.[1] Peran munggaranna nyaéta nalika muilu maén dina drama musikal Grease jeung A Midsummer Night's Dream dina taun 2003.[1][2] Kim Soo Hyun ngamimitian di tipi ku merankeun peran babantu dina sitkom Kimchi Cheese Smile taun 2007 disusul ku sérial Jungle Fish taun 2008 jeung White House 2009.[1] Ngaranna mimiti dipikawawoh ku umum téh nalika ngabéntangan sérial Giant taun 2010.[1] Ku saréatna sérial pilem éta, Kim Soo Hyun meunangkeun New Star Award dina ajang SBS Drama Awards 2010.[1] Salian minangka aktor sérial drama, Kim Soo Hyun ogé asup ka dunya layar rubak.[1] Kim ngamimitian maén dina pilem pondok judulna Worst Friends taun 2009 tuluy disusul ku The Thieves taun 2012 jeung Secretly Greatly taun 2013.[1] Ku éktingna anu apik dina The Thieves, Kim meunangkeun pangajén Popularity award dina ajang Blue Dragon Film Awards 2012.[1]

Rujukan[édit | édit sumber]

  1. a b c d e f g h i j Wowkeren.com, Profil Kim Soo Hyun. Diakses 10 Juli 2015.
  2. a b c d Sippost.com, Biografi Kim Soo Hyun. Diakses 10 Juli 2015.
Soekarno.jpg