Koaci
Koaci (瓜籽 guā zǐ, siki waluh) nyaéta kadaharan anu dijieun tina siki samangka, waluh gedé, kembang sarangéngé, beunang nyangray nepika garing tuluy diuyahan.[1] Sangkan leuwih seungit, mangsa nyangray koaci sok ditambahkeun bahan-bahan kayaning: daun pandan, séréh, kayu manis, jeung sajabana.[2] Koaci beunang nyangray hasilna bisa ditunda dinawaktu anu kawilang lila tur henteu ngarandapan karuksakan atawa tengi.[1]
Kandungan gizi anu aya dina koaci gumantung kana bahan asal tina koacina, upama Koaci siki kembang sarangéngé kelirna semu hideung, mibanda kandungan vitamin B kompleks, vitamin B6, jeung vitamin E.[3] Kandungan séjénna taya lian minyak sarangéngé anu mibanda asam lemak tak jenuh (88%), asam linoleat ti mimiti 44% nepikeun ka 72%, protein koaci siki samangka jeung siki kembang sarangéngémasing-masing 28,3 g/100 g jeung 22,8 g/100 g.[1] Kandungan lemak dina siki koaci samangka 47,4 g/100 g jenu siki kembang sarangéngé 49,6 g/100 g.[1]
Dicutat tina
[édit | édit sumber]- ↑ a b c d Astawan, Prof. Dr. Ir. Made (2009). Sehat Dengan Hidangan Kacang Dan Biji-bijian. Jakarta: Niaga Swadaya. p. 161. ISBN 9790023669.
- ↑ Suprapti, Ir. M. Lies (2005). Teknologi Pengolahan Pangan Kuaci Manisan Buah Waluh. Yogyakarta: Kanisius. p. 29. ISBN 9792104275.
- ↑ "Keajaiban biji kuaci". Femina. Diakses tanggal 2013-05-31.
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |