Kupa
| Buah kupa | |
|---|---|
| |
| Klasifikasi ilmiah | |
| Karajaan: | |
| Divisi: | |
| Kelas: | |
| Ordo: | |
| Kulawarga: | |
| Génus: | |
| Spésiés: | S. polycephalum
|
| Ngaran binomial | |
| Syzygium polycephalum | |
Kupa (eugenia polycephala mig), atawa kupa beunyeur, nyaéta tangkal buah anu kaasup jambu-jambuan atawa Myrtaceae anu asalna di Indonésia, hususna Jawa jeung Kalimantan.[1] Ngaran kupa di unggal wewengkon béda-béda saperti gohok (dialek Betawi), gowok, dompyong (bahasa Jawa).[2] Tangkalna leutik nepi ka sedeng, jangkungna 8-20 méter.[3] daunna lonjong panjangna 15x25 cm sedengkeun lébarna 17x13 cm, lemes jeung gagangna pondok.[4] Buah kupa, buleud tapi rada gépéng, 2–3 cm garis tengahna, warnana bungur kahideungan rada hérang, aya mahkota tabung kelopak.[3] Buah ieu mirip jeung jambu solo, ukurana sagedé dukuh.[1] Bentukna buleud sagedé kaléci, warna keur ngorana héjo kolot, lamun geus asak warnana beureum méh kahideungan.[5] Asakna kupa téh rasana amis haseum, sikina ngan hiji dibulen ku daging.[5]
Daging buah bodas atawa rada beureum ka bunguran, loba kandungan cai.[1] Rasana haseum amis (kesed), sikina gépéng sedengkeun kulitna bodas atawa bungur kolot.[3] Kupa biasana tumuwuhna di gunung sékundér, anu jangkungna antara 200–1800 m, salain ti éta kupa dipelak di kebon.[3] Kupa lolobana diala buahna, osok dijual biasana sok di rujak.[3]
Mangpaat[édit | édit sumber]
Kulit kupa bisa jadi ubar méncrét, jeung bahan nyamak kulit.[4] Pikeun ubar méncrét sadiakeun kurang leuwih 15 gram kulit kupa tuluy dikumbah nepi ka bersih sanggeus kitu godog ku cai sagelas salila 15 menit, tiiskeun tuluy saring.[4] Hasilsaringan di inum sakaligus.[4]
Baca ogé[édit | édit sumber]
- kupa landak (anggur brajil, Plinia cauliflora)
Catetan[édit | édit sumber]
- ↑ a b c buah gowok, buah yang cukup langka (Dicutat tanggal 10 November 2011)
- ↑ Heyne,K.(1987).Tumbuhan Berguna Indonesia.jilid 3.Yay. Sarana Wana Jaya: Jakarta.kaca 1522.
- ↑ a b c d e Buah Gowok, Masih Adakah? (Dicutat tanggal 10 Oktober 2011)
- ↑ a b c d Polycephala Miq (Dicutat tanggal 18 November 2011)
- ↑ a b [Danadibrata,R.A.(2006).Kamus Basa Sunda.Bandung: Kiblat Buku Utama.