Kupa
| Buah kupa | |
|---|---|
| |
| Klasifikasi ilmiah | |
| Karajaan: | |
| Divisi: | |
| Kelas: | |
| Ordo: | |
| Kulawarga: | |
| Génus: | |
| Spésiés: | S. polycephalum
|
| Ngaran binomial | |
| Syzygium polycephalum | |
Kupa, gowok, atawa kupa beunyeur (Eugenia polycephala) nyaéta tangkal buah anu kaasup jajambuan (Myrtaceae) anu asalna di Indonésia, hususna Jawa jeung Kalimantan. Ngaran kupa di unggal wewengkon béda-béda saperti gohok (dialek Betawi), gowok, dompyong (bahasa Jawa).[1] Tangkalna leutik nepi ka sedeng, jangkungna 8-20 méter.[2] daunna lonjong panjangna 15x25 cm sedengkeun lébarna 17x13 cm, lemes jeung gagangna pondok.[3] Buah kupa, buleud tapi rada gépéng, 2–3 cm garis tengahna, warnana bungur kahideungan rada hérang, aya mahkota tabung kelopak.[2] Buah ieu mirip jeung jambu solo, ukurana sagedé dukuh.[4] Bentukna buleud sagedé kaléci, warna keur ngorana héjo kolot, lamun geus asak warnana beureum méh kahideungan.[5] Asakna kupa téh rasana amis haseum, sikina ngan hiji dibulen ku daging.[5]
Daging buah bodas atawa rada beureum ka bunguran, loba kandungan cai.[4] Rasana haseum amis (kesed), sikina gépéng sedengkeun kulitna bodas atawa bungur kolot.[2] Kupa biasana tumuwuhna di gunung sékundér, anu jangkungna antara 200–1800 m, salain ti éta kupa dipelak di kebon.[2] Kupa lolobana diala buahna, osok dijual biasana sok di rujak.[2]
Mangpaat
[édit | édit sumber]Kulit kupa bisa jadi ubar méncrét, jeung bahan nyamak kulit.[3] Pikeun ubar méncrét sadiakeun kurang leuwih 15 gram kulit kupa tuluy dikumbah nepi ka bersih sanggeus kitu godog ku cai sagelas salila 15 menit, tiiskeun tuluy saring.[3] Hasilsaringan di inum sakaligus.[3]
Baca ogé
[édit | édit sumber]- kupa landak (anggur brajil, Plinia cauliflora)
Catetan
[édit | édit sumber]- ↑ Heyne,K.(1987).Tumbuhan Berguna Indonesia.jilid 3.Yay. Sarana Wana Jaya: Jakarta.kaca 1522.
- ↑ a b c d e Buah Gowok, Masih Adakah? Archived 2011-04-10 di Wayback Machine (Dicutat tanggal 10 Oktober 2011)
- ↑ a b c d Polycephala Miq[tumbu nonaktif] (Dicutat tanggal 18 November 2011)
- ↑ a b Salah ngutip: Tag
<ref>tidak sah; tidak ditemukan teks untuk ref bernamakupa3 - ↑ a b [Danadibrata,R.A.(2006).Kamus Basa Sunda.Bandung: Kiblat Buku Utama.