Odading

Ti Wikipédia Sunda, énsiklopédi bébas
Loncat ke navigasi Loncat ke pencarian

Odading atawa kuéh bantal nyaéta sabangsa roti anu asakna digoréng tur mibanda rasa amis wujudna aya anu lonyod aya ogé rada masagi kawas bantal dijieun tina adonan tarigu jeung gula, Kuéh odading biasana sok digédéngkeun jeung cakué atawa youtiao.[1] Odading mangrupa kuéh jajanan anu kasohor tur loba anu mikaresep umumna urang Jawa Kulon utamana urang Bandung.[2] Odading ilaharna dipaké nyarap atawa ngopi isuk-isuk dibaturan ku cikopi atawa citéh haneut [2] .

Sajarah[édit | édit sumber]

Baheula iéu kuéh téh tacan mibanda ngaran, ngan saukur kuéh basajan tina adonan tarigu jeung gula anu diguluntung-guluntung sagedé indung suku tuluy baé digoréng.[3][4] Hiji mangsa aya budak keur dagang éta kuéh diwadahan kana nyiru anu dituruban ku daun cau, teu kungsi lila jol aya sinyo Walanda ngaliwat jeung indungna ninggali éta dagangan téh sinyo ngarenghik ka indungna mun urang mah “uing hayang meuli éta”, pokna téh “Mammie, koop dat voor mij".[3] Tuluy éta simami téh ngageroan budak anu dagang téa, nitah nyingkabkeun turub kuéh tina daun cau.[3] Pok si mamih téh ngomong “O, dat ding?” maksud namah nanya “O, anu iéu?”, ari budak anu dagang ku lataran teu ngarti basa Walanda téa ngagerentes dina haténa ”geuning iéu kuéh téh ngarana odading”.[3] Tempona balik ka imahna iéu budak hariweusweus ka indungna ngabéjaan cenah kuéh anu sok didagangkeun ku manéhna téh ngarna odading, nya ti waktu harita ngaran odading téh dipaké pikeun nyebut kueh beunang ngagoréng tina adonan tarigu anu di guluntung-guluntung.[3][4]

Cara nyieun[édit | édit sumber]

  1. Bahan-bahan anu perlu disayagikeun : Tarigu, gula, ragi, jeung susu[1]
  2. Jumlah anu geus ditangtukeun tuluy dicampurkeun bahan-bahan éta kana wadah bari prak dikocék kalan-kalan kucuran cai és saeuti-saeutik nepi ka adonan rata/kalis[1]
  3. Tuluy éta adonan téh diuyahan saeutik jaung mantéga sacukupna bari tuluy dikocék-kocék nepikeun ka rata[1]
  4. Adonan anu geus kais tadi tuluy diteundeun heula dina wadah satengah jam luhurna ditutupak lawon/kaén luhurna.[1]
  5. Guluntung-guluntung éta adonan sagedé-gedé endog hayam tuluy digepengkeun, atawa kumaha pangaresep[1]
  6. Brus waé digoréng dina minyak anu sedeng, ulah panas teuing di mana kelirna geus semu konéng tur kaangseu seungit kakara dijait.[1]

Tempo ogé[édit | édit sumber]

Rujukan[édit | édit sumber]

  1. a b c d e f g "Resep Roti Goreng Wijen". Suara Desa. Diakses tanggal 25 April 2017. 
  2. a b "Resep Cara Membuat Kue Odading Khas Bandung". Resep Nasional. Diakses tanggal 25 April 2017. 
  3. a b c d e (id)"9 dari 10 kata bahasa Indonesia adalah asing". Alif Danya Munsyi. Diakses tanggal 25 April 2017. 
  4. a b "Gramedia". Bahasa menunjukkan bangsa. Diakses tanggal 25 April 2017. 
Nulis.jpg