Péyé
Péyé nyaéta salah sahiji kadaharan panglengkep nu kaasup kana golongan goréngan.[1] Sacara umum, péyé mangrupa goréngan tipung béas nu dicampur ku cai nepi ka ngabentuk adonan kintel, disamaraan basajan kayaning uyah, bawang bodas, jeung ditambahan eusi nu has, biasana mah suuk, teri, hurang, atawa kedelé.[1] Tipung téh mibanda peran sangkan bahan pangeusi kayaning kedelé, teri, rebon, hurang leutik atawa siraru bisa napel kana péyé.[2] Kiwari loba péyé nu ditambahan ku bahan séjén kayaning bayem jeung keuyeup.[2] Minangkana mah deungeun panglengkep keur dahar, ieu péyé téh mibanda fungsi kawas kurupuk.[3] Péyé gampang kapanggihna jeung sok dijualan di warung kadaharan, pasar, atawa di swalayan. Di pilemburan mah biasana disuguhkeun dina acara kawinan atawa sukuran.[1]
Tempo ogé[édit | édit sumber]
Rujukan[édit | édit sumber]
- ↑ a b c "Mmm....Kriuknya Rempeyek Kacang - Tribunnews.com" (dalam bahasa id-ID). Tribunnews.com. http://www.tribunnews.com/lifestyle/2010/08/25/mmm....kriuknya-rempeyek-kacang. Diakses pada 2017-11-05
- ↑ a b "Usaha Rempeyek Kacang renyah dan gurih" (dalam bahasa en-US). Bersosial.com. https://www.bersosial.com/threads/usaha-rempeyek-kacang-renyah-dan-gurih.43347/. Diakses pada 2017-11-05
- ↑ "Rosebrand | Resep Detail". www.rosebrand.co.id. Diakses tanggal 2017-11-05. Archived 2017-11-14 di Wayback Machine
|
Artikel ngeunaan dahareun jeung inuman ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |