Pasar Céplak

Ti Wikipédia Sunda, énsiklopédi bébas
Loncat ke navigasi Loncat ke pencarian


Pasar Céplak di Jl.Siliwangi

Pasar Céplak nyaéta pasar nu nyadiakeun kulinér kadaharan nu idéntik jeung Garut.[1] Kecap céplak atawa nyéplak nyaéta sora nu kaluar nalika dahar alatan baham kabuka.[2]
Numutkeun para padagang nu geus lila jualan di pasar Céplak, ngaran céplak miboga sajarahna sorangan.[2] Taun 1970-an nalika nagara urang keur ngalaman usum paceklik, loba masarakat nu ngan bisa ngadahar oyék nu dicampur maké sampeu.[2] Kaayaan éta sok dijadikeun bahan heureuy ku para padagang di Garut, kumaha ni’matna ngdahar oyék bari céplak.[2] Tungtungna mah éta kecap céplak téh sumebar ka para padagang tug nepi ka masarakat Garut, tuluy éta pasar téh dingaranan Pasar Céplak.[2]
Mimitina mah Pasar Céplak téh aya di puseur dayeuh nu kasohor minangka jalan Biodeem (Koramil).[2] Taun 1970-an éta jalan dibagi dua, ka beulah kulon jadi Jl. Siliwangi sarta ka beulah wétan jadi Jl. Céplak.[2] Tapi éta jalan ti mimiti simpang tilu Jl.Kian Santang nepi ka simpang tilu Ciledug kaasup ka lokasi pasar Céplak dingaranan Jl. Siliwangi.[2]
Pasar Céplak kungsi dipindahkeun ka buruan gedung Islamic Centre di Jl. Pramuka.[2] Tapi alatan loba protés ti masarakat boh nu dagang boh konsuménna sorangan, kiwari ieu pasar téh balik deui ka Jl. Siliwangi.[1] Pasar Céplak mimiti buka ti jam opat sore nepi ka tengah peuting.[1] Di dieu, loba kadaharan tradisional nu bisa dibeuli ku urang kayaning putu mayang, gegetuk, jeung sajabana.[1][2] Salian ti éta loba kadaharan lain saperti sate, soto, kupat tahu, martabak, jeung réa-réa deui.[1][2]

Referensi[édit | édit sumber]

  1. a b c d e Pasar Ceplak (Diakses tanggal 26 Oktober 2011) (id)
  2. a b c d e f g h i j k Suhardiman,Budi&Darpan.2007.Seputar Garut.Garut:Komunitas Srimanganti (id)


Nulis.jpg