Gunung Rinjani

Gunung Rinjani
Bitu taun 1994
Luhur	3,726 méter (12,224 suku)
Perenah	Lombok, Indonésia
Prominéns	3,726 m
Koordinat	8°25′S 116°28′E
Tipe	Stratovolcano (aktip)
Panungtungan bitu	2004

Gunung Rinjani nyaéta hiji gunung seuneuan aktip di Indonesia nu perenah di Pulo Lombok. Luhurna 3,726 m (12,224 ft), mangrupa gunung pangluhurna kadua di Indonésia. Bitu munggaran kajadian September 1847. Bitu panganyarna 1 Oktober 2004. Gunung seuneuan ieu sarta situ kawahna (Segara Anak), ditangtayungan ku ayana taman nasional nu ngadeg taun 1997. Kaldérana nu oval 6 km ka 8.5 km sabagéannana dieusian ku situ nu katelah Segara Anak (kurang leuwih 2000m di saluhureun hambalan beungeut cai sagara sarta diperkirakeun jerona antara 200 m tepi ka 300 m); kaldera ieu ogé boga cai mancer panas. Bitu gunung ieu taun 1994, 1995, jeung 1996 ngawangun congcot leutik, Gunung Baru (kurang leuwih 2300 m di saluhureun hambalan beungeut cai sagara) dina tengah-tengah kaldera sarta lava nu ngalir tina kajadian bitu ieu asup kana situ.

Dataran luhur guunung Rinjani mangrupa leuweung sarta lolobananana can dikokolakeun. Dataran handapna mah geus dipelakan. Paré, kadelé, kopi, bako, kapas, kayu manis, jeung panili mangrupa pepelakan nu tuwuh dina taneuh subur di pulo ieu.