Situ Sangiang
Situ Sangiang mangrupa obyek wisata alam sarta ziarah. Sacara administratif lokasina aya di Désa Sangiang, Kacamatan Banjaran, Kabupatén Majaléngka.[1] Luas wisata Situ Sangiang kira-kira 19.70ha kaasup RPH Citaman BKPH Talaga KPH Majaléngka [2]
Poténsi Daérah[édit | édit sumber]
Daérah Situ Sangiang dikurilingan ku tangkal mahoni jeung kai amis aya ogé jenis-jenis séjénna, di antarana Eurih, jukut teki, gewar, hoé, saliara, kirinyuh, pohpohan, tepus, kiara, manglid, suren, barang, kemiri, pasang jeung sajabana.[2] Sedengkeun jenis sasatoan di antarana oray sanca, oray sérang, manuk cangkurileung, bincarung, cangkakak, monyet, lutung, bai.
Poténsi Wisata[édit | édit sumber]
Kagiatan Wisata di dieu di antarana lintas alam, paparahuan, nguseup jeung kémah.[2] Di jero di dinya aya papan pangumuman yén teu meunang ngojay, nyokot atawa nguseup lauk, miceun runtah padu waé, nyieun durukan, sarta nyorétan tangkal atawa fasilitas séjénna.[1] Alatan éta, lauk anu aya di Situ Sangiang umumna ukuranana gararedé.[1] Lamun aya lauk nu paéh ogé, lauk baris dikuburkan dibeulah dinyana kénéh.[1]
Sajarah Daérah[édit | édit sumber]
Di Situ Sangiang aya istana anu dikeramatkan.[2] Juru kuncén nyebutkeun yén istana anu aya disisi Situ Sangiang ieu mangrupa salah sahiji istana inohong nu nyebarkeun Islam diwewengkon Majaléngka.[2]
Wajar waé lamun tempat ieu miboga sipat réligius.[2] Aya anu jarauh datang ka dinya, ngan hayang ziarah ka istana wali sarta saterusna mandi disisi dinya.[2] Jadi bener-bener wisata éta pohara sakral.[2] Ceuk nu cicing di daérah éta jeung juru kuncén na éta téh mangrupa jajadén ti hiji karajaan kuna anu disebut karajaan Talaga.[2]
Dina buku sajarah sunda, Karajaan Talaga ieu masih bareng jeung Karajaan Pajajaran, Panjalu, Saunggalah atawa Sumedang Larang.[2] Tapi ceuk dina sajarahna, karajaan éta misteri.[2] ceuk sakaol béjana, karajaan éta leungit jeung sakabéh wargana.[2] Sedengkaeun sawaréh rahayat karajaan, robah jadi lauk di Situ Sangiang téa.[2]
Fasilitas[édit | édit sumber]
Fasilitas anu aya di Situ Sangiang di antarana nyaéta pager pengaman, shelter, jalan satapak, tempat parkir, jembatan, gerbang/loket karcis, musholla, MCK, instalansi cai, tempat diuk, tempat ulin barudak sarta kolam renang alami.[2]
Aksesabilitas[édit | édit sumber]
Situ Sangiang bisa dijugjug ku motor, lamun ti Majaléngka kira-kira 30 km.[2]
Rujukan[édit | édit sumber]
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |