Tahu gejrot
Tahu Gejrot, nyaéta kadaharan has ti daérah Cirebon, Jawa Kulon.[1] Asal muasalna tahu gejrot téh di Desa Jatiseeng, Kecamatan Ciledug, Kabupatén Cirebon.[1] Tahu gejrot geus aya ti saméméh Indonésia merdeka.[1] Kiwari tahu gejrot geus sumebar disakuliah Jawa Kulon, Jakarta, jsb. Biasana jualanna maké tanggungan. Bisa kapanggih disisi jalan, atawa ditempat-tempat paméran.[1] Tahu gejrot téh dijieunna tina tahu anu di goréng, di potong, sarta samarana tina bawang beureum, cabé rawit sarta gula.[1] Sederhana pisan kadaharan ieu, tapi rasana rongkah, sarta miboga ciri has tibatan nu séjén, tahu gejrot biasana dipidangkeun dina hiji Cobek/Layah leutik.[1]
Kadaharan tradisional ieu bahan utamana tahu anu ngabogaan ciri khas nu béda.[2] Tahu jenis ieu ngabogaan tekstur unik sarta béda kalayan tahu jenis séjénna.[2] Lamun diperhatikeun sacara cermat, sanggeus diasakan, tahu baris ngabogaan tekstur berongga jeung kulit rangu sarta daging ipis anu némpél dina kulitna.[2] Cara nyajikeun sederhana sarta masih tradisional, éta jadi ciri has ti tahu gejrot ieu.[2]
Cara nyieunna[édit | édit sumber]
Tahu asak anu ukuranana leutik-leutik dibagi jadi dua bagéan. Dipidangkeun dina piring leutik anu dijieun tina tembikar anu nambahan has tina kadaharan ieu.[2] Kalayan ulekan anu samara-samarana saperti uyah, gula beureum ditambah potongan bawang beureum, bawang bodas sarta céngék anu saluyu jeung kahayang, tuluy dibanjur ku kuah anu dijieun tina campuran cai, kecap sarta gula aren nu ngajadikeun rasa ti tahu gejrot ieu sampurna.[2] Ladana céngék kalayan kuah nyababkeun deudeuieun.[2] Pikeun ngarasakeun tahu gejrot ieu, urang henteu maké séndok tapi ngan perlu nyéré leutik pikeun nojos tahu.[2]
Rujukan[édit | édit sumber]
- ↑ a b c d e f Redaktur. "Cirebon Kuno dan Kini (65); Tahu Gejrot Berawal dari Jatiseeng | Informasi Dan Bisnis - Berita Cirebon". www.cirebontrust.com (dalam id-ID). Diakses tanggal 2017-10-12.
- ↑ a b c d e f g h "Tahu Gejrot, Tahu Bersensasi Kuah dari Cirebon". www.wacana.co (dalam en-US). Diakses tanggal 2017-10-12.[tumbu nonaktif]
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |