Tajug

Ti Wikipédia Sunda, énsiklopédi bébas
Loncat ke navigasi Loncat ke pencarian
Tajug nu diwangun luhureun situ

Tajug nyaéta wangunan paranti umat muslim ngalaksanakeun ibadah (solat, ngaji, jeung sajabana), ukuranna leuwih leutik tur basajan tibatan masigit.[1]Utamana di pilemburan, tajug ogé jadi hiji tempat barudak dialajar ngaderes ngaji jeung agama, wanci pasosoré sabada baralik ti sakola.[2]

Gedé jeung leutikna tajug teu aya katangtuan, ilahar gedéna tajug disaluyukeun jeung gedé imah-imah anu aya disagigireuna.[3] Umpamana jama'ah éta tajug geus karasa heurin, biasana aya dua kamungkinan. Kahiji, nyieun deui tajug, kaduana ngagedéan deui ukuran tajugna.[3] Di jero tajug ngan aya dua rohangan, rohangan jama'ah jeung paimbaran paranti imam solat.[3]

Di daérah minang mah tajug téh sok dipaké ogé tempat saré lalaki nu geus sawawa anu masih kénéh lalagasan, kabeneran teu boga tempat misah di imah kolotna.[4]

Di daérah Jawa Kulon ogé loba kapanggih masigit jeung tajug, pikeun gambaran waé dina taun 1996 aya kana 21.038 wangunan masigit jeung 655.741 tajug.[5] Tajuk ilaharna kapanggih di pilemburan kalawan dina wangun nu kacida basajanna, malahan ngan bisa dipaké solat ku sababaraha urang wungkul.[5]Tajug téh perenahna di sisi sawah atawa kebon, sisi lembur atawa jalan liliwatan ka kampung séjén.[5] Tajug bisa diwangun ku jalan réréongan atawa ngahaja diwangun ku saurang baé nu mibanda taneuh tempat tajug diwangun.[5]


Dicutat tina[édit | édit sumber]

  1. "Kamus Besar Bahasa Indonesia". KBBI. Diakses tanggal 2017-09-14. 
  2. -, Kanisius (2008). Ge(mer)lap Nasionalitas Postkolonial. Yogyakarta: Kanisius. ISBN 9789792119817. 
  3. a b c BA, Rivai Abu, Ny. Wahyuningsih (1986). Arsitektur Tradisional Daerah Riau. Jakarta: Direktorat Jenderaéh Kebudayaan. 
  4. Van Klinken, Henk Schulte Nordholt, Gerry (2007). Politik lokal di Indonesia. Jakarta: Yayasan Pustaka Obor Indonesia. ISBN 9789794616154. 
  5. a b c d Herayati, Nia Masnia, Titi Haryanti, Yetti (1993). Makanan: Wujud, Variasi dan Fungsinya Serta Cara Penyajiannya Pada Orang Sunda di Jawa Barat. Jakarta: Direktorat Jenderal Kebudayaan. ISBN 9789794616154. 
Nulis.jpg