Wikipedia:Wiki Sabanda II rintakan 2

Ieu saémbara geus lekasan. Nu keur lumangsung Wiki Sabanda 2018

Wiki Sabanda II
(Wikipédia Raksa Basa Sunda)
saémbara nulis onlén di Wikipédia basa Sunda

Wiki Sabanda mangrupa saémbara nulis nu digelar hasil gawé bareng Wikimedia Foundation jeung Wikimedia Indonesia. Tujuanna pikeun ngahudang kasadaran urang Sunda dina ngamumulé jeung ngaronjatkeun basa Sunda sangkan jadi bagéan ti sakumna basa di sakuliah dunya. Saémbara saméméhna aya Wiki Sabanda II rintakan kahiji jeung nu leuwih heubeulna mah Wiki Sabanda 2014-2015.

Hadiah

Hadiahna mangrupa Léptop jeung puluhan Kamus & Buku Sunda

Katangtuan

Daptar jadi pamilon sarta nyieun akun Wikipédia
Paloba-loba nulis artikel anyar nepi ka 200+ artikel, boh artikel taratas boh sampurna
Ngajukeun 5 artikel sampurna pikeun peunteuneun
Unggal artikel nu geus ditulis dicatetkeun ku pamilon séwang-séwangan kana pakakas juri
Dina ieu saémbara teu lumaku sistim gugur
Saémbara lumangsung ti ping 23 Séptémber 2017 nepi ka 31 Desember 2017
Pikeun pamilon nu kungsi daptar di Wiki Sabanda II rintakan kahiji mah teu kudu daptar deui, langsung prung baé nulis.

Cara miluan

Daptar jadi pamilon ku cara ngeusian ieu form Daptar
Nyieun akun di Wikipedia Jieun akun
Nyieun artikel sing loba
Artikel nu geus dijieun dicatetkeun ka ieu pakakas juri Pakakas juri

Pameunteunan

Pikeun jadi pinunjul kalawan meunangkeun hadiah léptop, pamilon kudu nulis artikel anyar saeutikna 200 artikel tuluy ngajukeun 5 artikel sampurna
Unggal pamilon nu geus réngsé nulis 10 artikel bakal dilélér hadiah Buku Sunda
Unggal pamilon nu geus réngsé nulis 50 artikel bakal dilélér hadiah Kamus Sunda
Unggal artikel nu dijieun ku pamilon sarta geus dikirimkeun ka pakakas juri, bakal dipeunteun ku juri jeung panitia

Jinis artikel

Artikel Taratas

Artikel anyar anu can aya di Wikipédia basa Sunda;
Artikel kudu ngandung saeutikna 100 kecap, kalawan ditambahan rujukan dina unggal tungtung kalimahna;
Sumber rujukan anu dipaké sakurang-kurangna dua sumber anu béda sarta bisa dipercaya;
Nambahkeun gambar (mun aya), wikifikasi, interwiki jeung katégori wiki.

Artikel Sampurna

Artikel anyar anu can aya di Wikipédia basa Sunda;
Artikel kudu ngandung saeutikna 300 kecap, kalawan ditambahan rujukan dina unggal tungtung kalimahna;
Artikel kudu dibagi saeutikna jadi 3 subbab;
Sumber rujukan anu dipaké sakurang-kurangna 5 sumber anu béda sarta bisa dipercaya;
Nambahkeun gambar (mun aya), wikifikasi, interwiki jeung katégori wiki.

Kumpulan pitulung
Kumpulan kaca pitulung anu geus nyampak (klik ieu téks)