Cabé

Ti Wikipédia, énsiklopédia bébas
Luncat ka: pituduh, sungsi
Cabé
Klasifikasi ilmiah
Kingdom: Spermatophyta
Division: Magnoliophyta
Class: Magnoliopsida
Order: Solanales
Family: Solanaceae
Subfamily: Asteridae
Genus: Capsicum
Species: Capsicum annum L.

Ciri utama tina cabé rawit nya éta buahna anu leutik tapi rasana lada pisan. Buahna anu warna héjo nalika ngora kénéh jeung lamun rada kolot warnana jadi beureum. [1] Tutuwwuhan ieu jangkungna 1 – 2.5 méter.[1] Seperti cabé beureum, kembang cabé bentukna jiga terompét leutik jeung umumna warna bodas. [1] Aya tilu jinis cabé rawit nya éta cengek leutik, buahna leutik jeung warna héjo, tuluy cengek domba atawa cengek bodas, buahna anu rada gedé dibanding céngék, warnana bodas lamun ngora kénéh sedengkeun mun geus kolot warnana jadi semu konéng kabodas-bodasan jeung nu terahir nya éta ceplik buahna gedé,héjo nalika ngora kolotna warna beureum euceuy.[1]

Sajarah[édit | sunting sumber]

Sejarah cabé aya patalina jeung kapanggihna benua Amerika ku Christopher Colombus dina taun 1492. Suku Indian anu jadi pribumina geus ngamangpaatkeun cabé ti taun 5.000 SM. [2] Colombus mawa éta cabé ka Eropa pikeun oléh-oléh. Dina kurun waktu satengah abad, cabé geus sumebar nepi ka Afrika, India, Timur Tengah, Balkan, China, Asia jeung Indonésia. [2] Kajadian éta téh aya patalina jeung pedagang Portugis.[2] Ti mimiti geus diwanohkeun éta cabé, urang India mekarkeun tilu subspesies cabé dina waktu satengah abad. [2]Sedengkeun di Amerika mekarkeun opat subspesies salima 6.500 tahun.[2]

Mangpaat[édit | sunting sumber]

  1. Nurunkeun beurat awak, cabé ngabogaan capsaicin nu bakal ngagancangkeun metabolisme jeung mantuan pembakaran kalori. Kulantaran capsaicin ningkatkeun temperatur awak sarta ningkatkeun detak jantung.[3] Studi némbongkeun yén jama nu resep lada biasana daharna saeutik matak beuret awak leuwih karaksa.[3]
  2. Nyageurkeun jantung, cabé nyageurkeun jantung ku cara nyegah pembekuan getih.[3] Panalungtikan ogé némbongkeun kadar koléstrol jahat/LDL bisa nyegah oksidasi ani ngabalukarkeun panyocokan pembuluh getih. Capsaicin ogé éféktif ngalawan inflamasi, anu geus dipikawanoh minanggka faktor mamala panyakit jantung.[3]
  3. Ngalancarkeun sirkulasi, kadaharan lada baris ngalancarkeun sirkulas sarta nurunkeun tekenan getih. Cabé ogé mantuan nguatkeun dinding pembuluh getih alatan kandungan vitamin A sarta C nu aya dina cabé.[3]
  4. Antikanker, loba panalungtikan némbongkeun yén ngadahar kadaharan lada sacara teratur bakal ngurangan mamala kangker.[3] Capsaicin ngalénglékeun tumuwuhna sél kangker sarta dina loba perkara, sél-sél kangker paéh tanpa ngarusak sél cageur di sakurilingna.[3]
  5. Ngaronjatkeun fungsi cerna, mangpaat cabé dina saluran cerna nya éta ngaronjatkeun sirkulasi getih di beuteung sarta ngaronjatkeun lapisan makus. Capsaicin ogé mantuan maéhan bakteri H.pylori nu ngalantarankeun gering maag.[3] Tapi lamun ngalaman heartburn(rasa panas) sanggeus dahar lada, cobaan dahar tablet anitacid anu baris nangkes asam di lambung.[3]
  6. Ngaleungitkeun salésma, capsaicin mantuan ngaronjatkeun kaluarna késang sarta ngaleungitkeun salésma nu ngaréwong. Kadaharan lada ogé bakal mantuan muka jalan ambekan, sarta ngurangan sinusitis.[3]
  7. Saré tibra, panalungtik ti Australia manggihan jelema nu mindeng ngadahar lada leuwih gampang saré. Maranéhanana ogé bakal hudang leuwih isuk sarta leuwih seger.[3]
  8. Ngajaga mood, cabé beureum ngaronjatkeun endorfin sarta serotonin anu ngaleungitkeun nyeri jeung méré rarasaan merenah. Ieu hormon bisa lumaku kawas pelawan stres sarta depresi.[3]
  9. Ngalancarkeun engap, kadaharan lada lumaku kawas espektoran sarta mantuan nu mengi, bronkitis kronik, sinusitis, sarta panyakit pernapasan séjénna pikeun ngarénghap leuwih alus.[3]
  10. Ngarangsang napsu dahar. [3]
  11. Bisa nyagerkeun urut raheut. [3]
  12. Salain cabéna daunna ogé boga mangpaat nya éta nurunkeun demam. [3]
  13. Jadi antibiotik.[3]
  14. Ngaleungitkeun lieur.[3]

Kandungan[édit | sunting sumber]

Cabé rawit iboga kandungan kapssaisin, kapsantin, karotenoid, alkaloid, atsiri, resin, minyak menguap, sarta provitamin A jeung vitamin C anu loba dibandingkeun jeruk. Kandungan vitamin A dina cabé leuwih loba tibatan wortel. Loba kandungan zat antioksidan (saperti vitamin C jeung betakaroten), bisa dipaké pikeun nungkulan infertilitas, jeung afrodisiak.

catetan[édit | sunting sumber]

  1. a b c d Khasiat Cabai Rawit (Dicutat tanggal 31 Oktober 2011)
  2. a b c d e ini lah asal usul cabai (Dicutat tanggal 31 Oktober 2011)
  3. a b c d e f g h i j k l m n o p q r Manfaat Cabe buat tubuh kita (Dicutat tanggal 31 Oktober 2011)