Tambaga

Ti Wikipédia, énsiklopédia bébas basa Sunda
Luncat ka: pituduh, sungsi
tambaga

Tambaga nya éta unsur kimia anu nomber atomna 29 jeung nomber nomor massa 63,54, mangrupa unsur logam, anu warnana kabeureum-beureuman. Unsur ieu miboga titik lebur 1.803° Celcius jeung titik didih 2.595° C[1] . Dipikawanoh ti mimiti zaman prasejarah.Tambaga kaasup unsur kimia anu langka jeung jarang kapanggih dina wangun murni[1]. Babari dipanggihkeun dina rupa-rupa senyawa jeung mineral[1]. Pamakéan tambaga nya éta dina wangun logam anu mangrupakeun gabungan penting dina wangun kuningan,perunggu sarta campuran emas jeung pérak. Loba dipaké dina nyieun pelat, alat-alat listrik, pipa, kawat, pamatrian, duit logam, alat-alat dapur, jeung industri[1]. Senyawa tambaga ogé dipaké dina kimia analitik jang ngahérangkeun cai, salaku unsur dina inséktida, cét, oba-obatan jeung pigmén[1]. Mangpaat biologis jang runtutan dina organisme hirup mangrupa unsur penting dina getih sato anu kulitna teuas[1]. Sajarahna (tina basa Latin, cuprum, ti pulo Cyprus)[2]. Tambaga dipercaya geus diala salila 5000 taun. Anapon sipat-sipat tambaga nya éta warnana kabeureum-beureuman, Unsur ieu babari dibentuk, teu teuas, jeung mangrupakeun konduktor anu alus jang aliran elektron(kadua sabada pérak)[2]. Sumber-sumber tambaga kadang-kadang bisa kapanggih sacara alami, jiga anu kapanggih dina mineral-mineral kayaning cuprite, malachite, azurite, chalcopyrite, jeung bornite[2]. Deposit bijih tambaga anu loba kapanggih di AS, Chile, Zambia, Zaire, Peru, jeung Kanada[2]. Bijih-bijih tambaga anu penting nya éta sulfida, oxida-oxidanya, jeung karbonat[2]. Ti maranéhna, tambaga dicokot ku cara smelting, leaching, jeung elektrolisis[2].




Referensi[édit | sunting sumber]

  1. a b c d e f Definisi tembaga(diakses 14 november 2011)
  2. a b c d e f [www.chem-is-try.org/tabel_periodik/tembaga/ Tembaga](diakses 14 november 2011)
Nulis.jpg