Ancol

Ti Wikipédia, énsiklopédia bébas
Jump to navigation Jump to search
Daratan anu nyodor ka laut di Pangandaran

Ancol (antol) nyaéta tungtung daratan atawa jojontor anu nyolongodor ka laut, basa Inggris Cape, Basa Jakartana Tanjung.[1] [2] Antol bisa ogé nunjul kana sasak anu nyolongodor ti sisi walungan ka tengah pikeun nurun-unggahkeun panumpang, sabab kapal atawa parahu teu bisa balabuh disisi walungan lantaran déét teuing.[2]

Ancol ditempo tina ukuranna.[3] Umpama ukuran ancol leutik sok disebut ujung, tapi umpama ukuranna lega pisan sok disebut semenanjung.[3] Ancol ilaharna diwangun ku daratan anu struktur taneuhna teuas kayaning batu-batu, cadas, jeung batu karang matakna leuwih kuat mangsa kateumbrag Lambak cai laut.[4] Aya sababaraha bagéan anu kaseblokan lambak cai laut dina waktu lila, antukna ngawangun wujud-wujud anu unik malahan aya anu mangrupa guha .[4] Ancol anu diwangun ku batu-batu atawa cadas ilaharna ngawujud gawir anu lungkawing, béda jeung ancol anu strukturna tina taneuh atawa keusik kalolobaanna katempo kawas pasir, atawa sok katempo ngampar henteu ngagawir kalawan dipinuhan ku tatangkalan.[5] Duanana ogé mibanda kaéndahan séwang-séwangan kalawan ciri anu mandiri.[6]

Dicutat tina[édit | édit sumber]

  1. Jonathan, Rigg (1862). A Dictionary of the Sunda Language of Java. Universitas Harvard: Bataviaasch Genootschap van Kunsten en Wetenschappen. 
  2. a b Dibrata, R.A. Dana (2009). Kamus Basa Sunda. Bandung: PT Kiblat Buku Utama. ISBN 9793631937. 
  3. a b Supriatna, Nana (1862). IPS Terpadu (Sosiologi, Geografi, Ekonomi, Sejarah). Universitas Harvard: PT Grafindo Media Pratama. 
  4. a b Supriatna, John (2005). Intisari Ilmu: Planet Bumi. Jakarta: Erlangga for Kids. ISBN 9789797810788. 
  5. Supriatna, John (2005). Atlas Dunia dengan CD. Jakarta: Erlangga for Kids. ISBN 9789790158863. 
  6. Ghosh, Amitav (2005). The Glass Palace. Jakarta: PT Mizan Publika. ISBN 9789791142205. 
Nulis.jpg