Lompat ke isi

Ayu Utami

Ti Wikipédia Sunda, énsiklopédi bébas
Ayu Utami
Ayu Utami dina acara International Conference on Feminism, 2016
Panulis jeung novelis Indonesia
Katerangan lian
Gumelar 21 Novémber 1968 (1968-11-21) (yuswa 57)
Bogor, Jawa Kulon
Kabangsaan Indonesia
Rélasi Johanes Hadi Sutaryo (bapa)
Bernadeta Suhartina (ibu)[1]
Alma mater SD Régina Pacis
SMP Tarakanita 1 Jakarta
SMA Tarakanita 1 Jakarta
Universitas Indonesia
Pagawéan Penulis, Jurnalis, Sastrawan

Justina Ayu Utami (leuwih dipikawanoh ku jujuluk Ayu Utami, gumelar di Bogor, Jawa Barat, Indonesia 21 Nopémber 1968) nyaéta novélis pendobrak kemapanan, utamana masalah nu masih kénéh pakait kana kelamin (sex) jeung agama. Ayu Utami mangrupa anak ti papasangan Johanes Hadi Sutaryo jeung Bernadeta Suhartina. Manéhna asalna ti kaluarga Katolik[1][2][3][4].

Ayu Utami sakola tingkat dasarna di SD Régina Pacis, Bogor (1981), SMP Tarakanita 1 Jakarta (1984), jeung dipungkas sakola tingkat akhirna di SMA Tarakanita 1 Jakarta (1987)[2]. Atikan terakhirna nyaéta S-1 dina Sastra Rusia ti Fakultas Sastra, Universitas Indonesia (1994). Manéhna ogé kungsi sakola Advanced Journalism, Thomson Foundation, Cardiff, UK (1995) jeung Asian Leadership Fellow Program, Tokyo, Japan (1999). Ayu Utami ngapikaresep carita patualangan, saperti Lima Sekawan, Karl May, jeung Tin Tin. Salian éta, manéhna ngapikaresep musik tradisional jeung musik klasik. Sawaktu masih kénéh mahasiswa, manéhna kapilih jadi finalis gadis sampul majalah Fémina, urutan ka sapuluh. Nanging, manéhna teu nekunan dina dunya model[3]. Widang atau bagian ieu (dunya permodelan) henteu cocok jeung manéhna[5].

Ayu Utami kungsi damel salaku sekretaris di perusahaan anu nyayogikeun senjata jeung damel di Hotel Arya Duta salaku Guest Public Relation. Akhirna, manéhna lebet kana dunya jurnalistik jeung damel salaku wartawan Matra, Forum Keadilan, jeung D & R. Nalika jadi wartawan, manéhna ngagaduhan réa kasempetan kanggo nyerat. Salami 1991, manéhna aktip dina nyerat kolom mingguan "Sketsa" dina poean Berita Buana. Manéhna ngawangun Aliansi Jurnalis Indepénden (AJI) jeung ngawangun komunitas Utan Kayu, hiji pusat kagiatan seni, pamikiran, jeung kabébasan inpormasi, salaku kurator. Manéhna mangrupi anggota rédaktur Jurnal Kalam jeung panalungtik di Institut Studi Arus Informasi[4][2][6].

Saatos henteu aktipitas jeung damel salaku wartawan, Ayu Utami neraskeun nyerat novél. Novél kahiji (munggaran) anu ditulisna nyaéta Saman (1998). Tina karyana éta, Ayu Utami narik perhatian réa pambaca atawa pamiarsa jeung kritikus sastra sabab novélna dianggap jadi conto novél nu anyar dina dunya sastra Indonesia. Ku jalan novél éta, manéhna meunang Kontés Roman Déwan Kesenian Jakarta 1998[7]. Novélna ngalaman dicetak ulang lima kali dina sataun. Kritikus ngabagéakeunana kalayan saé, ku sabab novél Saman méré warna anyar pikeun sastra Indonesia. Karya na dina wangun ésai sering dimuat dina Jurnal Kalam. Karya na nu séjén, Larung, anu mangrupa dwilogi tina novélna, Saman jeung Larung, ogé meunang réa perhatian ti pamiarsa[4][5].

Salami 3 taun, novél Saman ngahasilkeun jualan nepi ka 55.000 éksemplar dina lima kali citak. Sabab ku karya awalan nana éta, Ayu Utami ogé nampi Prince Claus Award 2000 ti Prince Claus Fund, yayasan anu kantor pusatna di Dén Haag, Walanda, anu misina pikeun ngalestarikeun jeung ngamajukeun kagiatan dina widang budaya jeung pamekaran. Di taun 2018, Ayu Utami nampi pangajén Achmad Bakrie 2018. Manéhna kapilih di widang kasusastraan. Karya-karyana dinilai ngaluasken cakrawala sastra Indonésia ngalangkungan wangun panulisan jeung katerbukaan kana eusina, naha soal sosial, politik, atawa nu masih kénéh pakait kana kelamin[8][7][5][9].

Pikeun anu resep pustaka kalayan téma féminisme, nami Ayu Utami bisa jadi panulis nu pohara dipikaresep. Ti saprak 1998, manéhna mawa téma ngeunaan awéwé sanajan iklim atawa suasana di nagara urang teu acan ngamungkinkeun pisan. Ku sabab kitu, mangga kanu resep kana karya tulisna bisa disimak dina buku-buku karya Ayu Utami[10].

Karya

[édit | édit sumber]
  • Novel
  1. Saman (1998).
  2. Larung (2001).
  3. Bilangan Fu (2008).
  4. Manjali dan Cakrabirawa (2010).
  • Kumpulan Esai
  1. Si Parasit Lajang (2003).
  • Biografi
  1. Cerita Cinta Enrico (2012).
  2. Soegija: 100% Indonésia (2012).[3][4][8]

Karir

[édit | édit sumber]
  • Sekretaris di perusahaan anu nyayogikeun senjata.
  • Guest public relation di Hotel Arya Duta.
  • Wartawan lepas Matra.
  • Wartawan Forum Keadilan.
  • Wartawan D&R.
  • Kolumnis mingguan 'Sketsa' dina Berita Buana (1991).
  • Anggota Sidang Redaksi Kalam.
  • Kurator Teater Utan Kayu.
  • Pendiri jeung Anggota Aliansi Jurnalis Independen (AJI).
  • Panaliti di Institut Studi Arus Informasi.[4][2]

Pangajén

[édit | édit sumber]
  • Jawara Sayembara Pasanggiri Nulis Roman Pang alusna Dewan Kesenian Jakarta (1998) pikeun novél Saman na.
  • Prince Claus Award ti Prince Claus Fund, hiji yayasan anu kantor pusatna di Den Haag (2000).
  • Pangajén Khatulistiwa Literary Award pikeun novel Bilangan Fu (2008).
  • Pangajén Achmad Bakrie (2018).[4][8][2]

Rujukan

[édit | édit sumber]
  1. 1 2 "Ayu Utami on Gramedia". www.gramedia.com. Diaksés tanggal 2021-09-15.
  2. 1 2 3 4 5 "Ayu Utami". ensiklopedia.kemdikbud.go.id. Diaksés tanggal 2021-09-15. Archived 2021-09-15 di Wayback Machine
  3. 1 2 3 "Profil Ayu Utami". badanbahasa.kemdikbud.go.id. Diaksés tanggal 2021-09-15. Archived 2021-09-13 di Wayback Machine
  4. 1 2 3 4 5 6 "Biografi Sastrawan Ayu Utami". sites.google.com. Diaksés tanggal 2021-09-16. Archived 2021-09-16 di Wayback Machine
  5. 1 2 3 "Novelis Pendobrak Kemapanan". tokoh.id. Diaksés tanggal 2021-09-15.
  6. ↑ Ayu Utami, (1998), Saman, Jakarta, PT. Gramedia, Hal-206, ISBN 978-979-91-0570-7.
  7. 1 2 "Proyek DNA Ayu Utami". historia.id. Diaksés tanggal 2021-09-16. Archived 2021-09-16 di Wayback Machine
  8. 1 2 3 "Profil Ayu Utami on Viva". www.viva.co.id. Diaksés tanggal 2021-09-15.
  9. ↑ "Ayu Utami". satupena.id. Diaksés tanggal 2021-09-16. Archived 2021-09-16 di Wayback Machine
  10. ↑ "Buku-Buku Karya Ayu Utami dan Kisah Menarik di Baliknya". www.idntimes.com. Diaksés tanggal 2021-09-15. Archived 2021-09-15 di Wayback Machine

Tutumbu Kaluar

[édit | édit sumber]
Dicomot ti "https://su.wikipedia.org/w/index.php?title=Ayu_Utami&oldid=704641"