Badori

Badori
Klasifikasi ilmiah
Karajaan:	Plantae
(unranked):	Angiospermae
(unranked):	Eudikotil
(unranked):	Asteridae
Ordo:	Gentianales
Kulawarga:	Apocynaceae
Subfamili:	Asclepiadoideae
Génus:	Calotropis
Spésiés:	C. gigantea
Ngaran binomial
	Calotropis gigantea; (L.) W.T.Aiton

Badori; Widuri (id) (Calotropis gigantea) nyaéta tangkal anu asalna ti kulawarga Apocynaceae.^[1] Badori loba kapanggih hirup ngarungkun di daérah anu usum halodona panjang, saperti tegalan garing, lamping gunung, jeung basisir laut.^[2] Jangkungna 0.5–3 mm, tangkalna buleud, kandel, dahan anu ngorana baruluan kandel jeung bodas.^[2]^[3]

Dauna hiji, lonyod kawas endog, panjang 8-30 cm, rubakna 4–15 cm, kelirna héjo ngora, cupatna pondok, bijil tina dahan pasanghareup-sanghareup.^[2] Bisa dipelak ku jalan di tancebkeun dahanna atawa di bungbun sikina.^[4]

Disabaraha daérah badori sok disebut ogé:

Sumatera: rubik, biduri, lembega, rembega, rumbigo.^[2]
Jawa : babakoan, badori, biduri, widuri, saduri, sidoguri, bidhuri, burigha.^[2]
Bali: Manori, maduri.^[2]
Nusa Tenggara: muduri, rembiga, kore, krokoh, kolonsusu, modo kapuk, modo kampuk.^[2]
Sulawesi: rambega.^[2]

Mangpaat

Badori mibanda kandungan kimia dina daun badori kayaning: saponin, flavonoid, polifeol, glukosida kalotropin, damar saeutik, alban, jeung fluavil.^[4] Kulit akarna pait, astringen, jeung ekspektoran.^[4] Mangpaatna:

Kulit akarna dimangpaatkeun pikeun ngubaran: galingging, bunghak, carangkeul suku, dipacok oray, borok, jeung panyakit kulit sejen.^[2]
Dauna dimangpaatkeun pikeun ngubaran: hapur, arateul ku lantaran cacar (varicella), campak (measles), galingging, jeung batuk.^[2]
Kembangna dimangpaatkeun pikeun ngubaran: gangguan padaharan, salesma, batuk, kiih nanah, jeung sajabana.^[2]
Geutah dimangpaatkeun pikeun: bisul, eksim, raheut, nyeuri huntu, jeung sajabana.^[2]

Kembang.
Daun jeung kembang.
Kembang.
Kembang jeung buah.
Kembang.

Dicutat tina

↑ Jonathan, Rigg (1862). A Dictionary of the Sunda Language of Java. Universitas Harvard: Bataviaasch Genootschap van Kunsten en Wetenschappen. hlm. 31.
1 2 3 4 5 6 7 8 9 10 11 12 Dalimartha, Setiawan (2008). Atlas tumbuhan obat Indonesia, Volume 2. Jakarta: *Niaga Swadaya. ISBN 9789796610655.
↑ Hoogerwerf, A. (1970). Udjung Kulon: The Land of the Last Javan Rhinoceros. Netherland: Brill Archive. hlm. 32. Diaksés tanggal (disungsi – 1 Jan 2021).
1 2 3 Hariana, Drs. H Arief (2006). Tumbuhan Obat & Khasiatnya 3. Jakarta: Niaga Swadaya. ISBN 9789790020085.

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.

[Rig-1] Jonathan, Rigg (1862). A Dictionary of the Sunda Language of Java. Universitas Harvard: Bataviaasch Genootschap van Kunsten en Wetenschappen. hlm. 31.

[Setiawan-2] 1 2 3 4 5 6 7 8 9 10 11 12 Dalimartha, Setiawan (2008). Atlas tumbuhan obat Indonesia, Volume 2. Jakarta: *Niaga Swadaya. ISBN 9789796610655.

[“Loa”-3] Hoogerwerf, A. (1970). Udjung Kulon: The Land of the Last Javan Rhinoceros. Netherland: Brill Archive. hlm. 32. Diaksés tanggal (disungsi – 1 Jan 2021).

[Drs-4] 1 2 3 Hariana, Drs. H Arief (2006). Tumbuhan Obat & Khasiatnya 3. Jakarta: Niaga Swadaya. ISBN 9789790020085.

[1]

[2]

[3]

[4]