Benyamin Sueb
Benyamin Sueb (gumelar di Jakarta, 5 Maret 1939 – maot 5 Séptémber 1995 dina umur 56 taun)[1] nyaéta saurang aktor, komédian, jeung seniman Indonésia.
Biografi
[édit | édit sumber]Saprak leutik, Benyamin Sueb geus ngarasakeun peurihna kahirupan.[2] Bungsu ti dalapan duduluran pasangan Suaeb jeung aisyah, bapana maot nalika Benyamin Sueb umur dua taun.[2] Alatan kaayaan ékonomi kulawarga anu teu tangtu, manéhna nalika umur tilu taun ngamén ngurilingan kampung tuluy hasil tina ngamén dipaké pikeun ngabayaran sakola raka-rakana.[2]
Benyamin Sueb mindeng ngamén ka tatanggana nyanyi lagu Sunda Ujang-ujang Nur bari jojogédan.[2] Seniman anu lahir di Kemayoran, 5 Maret 1939 ieu geus katémpo bakatna saprak budak kénéh.[2] Bakat senina turunan ti aki na, nyaéta Saiti jeung Haji Jiung, maranéhanana pamaén téater rahayat di jaman kolonial Walanda.[2] Nalika budak, Benyamin Sueb jeung raka-rakana nyieun orkes kaléng.[2] Maranéhanana nyieun pakakas-pakakas musik ti barang kurut.[2] Rebab ti kotak obat, stem basna ti kaléng drum minyak beusi, keroncongna ti kaléng biskuit.[2]
Kelompok orkés kaléng anu dijieun Benyamin nalika umur genep taun jadi cikal bakal kiprah Benyamin di dunya seni.[2] Ti tujuh barayana, Rohani (lanceuk kahiji), Moh Noer (kadua), Otto Suprapto (katilu), Siti Rohaya (kaopat), Moenadji (kalima), Ruslan (kagenep), jeung Saidi (katujuh), kacatet ngan Benyamin anu jadi seniman Betawi.[2]
Atikan
[édit | édit sumber]Benyamin sakola di Sakola Dasar Bendungan Jago nalika umur tujuh taun .[2] Nalika diuk di kelas lima nepi ka kelas genep manéhna pindah Sakola Dasar Santo Yusuf Bandung.[2] SMP mah di Jakarta deui, asup ka Taman Madya Cikini.[2] Manéhna pernah sasakola jeung pelawak Ateng.[2] Lulus SMP manéhna nuluykeun SMA di Taman Siswa Kemayoran.[2] Sempet sataun kuliah di Akademi Bank Jakarta, tapi henteu tamat.[2]
Sabenerna salian ti ngaleukeunan dunya seni, Benyamin ogé sempet sakola jeung digawé di Lembaga Pembinaan Perusahaan jeung Pembinaan Ketatalaksanaan (1960), Latihan Dasar Kemiliteran Kodam V Jaya (1960), Kursus Administrasi Nagara (1964), digawé di Bagian Amunisi Parabot AD (1959-1960), Bagian Musik Kodam V Jaya (1957-1969), sarta Kapala Bagian Perusahaan Daerah Kriya Jaya (1960-1969).
Karir
[édit | édit sumber]Henteu sugema ngan saukur jadi panyanyi, Benyamin tuluy maén film.[2] Dimimitian ku Honey Money and Jakarta Fair (1970) tuluy maén film séjénna.[2] Seniman anu resep heureuy ieu jadi salah sahiji pamaén anu ngaranna mindeng dipaké pikeun judul film.[2]
Judul Film
[édit | édit sumber]1. Benyamin Biang Kerok (Nawi Ismail, 1972)
2. Benyamin Brengsek (Nawi Ismail, 1973)
3. Benyamin Jatuh Cinta (Syamsul Fuad, 1976)
4. Benyamin Raja Lenong (Syamsul Fuad, 1975)
5. Benyamin Si Abunawas (Fritz Schadt, 1974)
6. Benyamin Spion 025 (Tjut Jalil, 1974)
7. Traktor Benyamin (Lilik Sudjio, 1975)
8. Jimat Benyamin (Bay Isbahi, 1973)
9. Benyamin Tukang Ngibul (Nawi Ismail, 1975)
Film nu dipaénkeun ku Benyamin Sueb
[édit | édit sumber]1. Ratu Amplop (Nawi Ismail, 1974)
2. Cukong Blo'on (Hardy, Chaidir Djafar, 1973)
3. Tarsan Kota (Lilik Sudjio, 1974)
4. Samson Betawi (Nawi Ismail, 1975)
5. Tiga Janggo (Nawi Ismail, 1976),
6. Tarsan Pensiunan (Lilik Sudjio, 1976)
7. Zorro Kemayoran (Lilik Sudjoi, 1976)
8. Intan Berduri (Turino Djunaidi, 1972)
Rujukan
[édit | édit sumber]
|
Artikel ngeunaan biografi inohong Indonésia ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |